Մասրենի Չաթրադազի
Առաջարկվում է այս և Մասրենի առատափուշ հոդվածները միացնել իրար: (քննարկում) |
Թեղի մարատերև | ||||||||||
---|---|---|---|---|---|---|---|---|---|---|
Գիտական դասակարգում | ||||||||||
|
||||||||||
Լատիներեն անվանում | ||||||||||
Rosa tschatyrdagi
|
Մասրենի Չաթրադազի (լատին․՝ Rosa tschatyrdagi), վարդազգիների ընտանիքի մասրենի ցեղի բույս։
Նկարագրություն
խմբագրելԿարճ, տերևաթափ թուփ է՝ 0,6—0,7 մ բարձրությամբ, ուղղաձիգ ճյուղերով։
Տերևների առանցքը ծածկված է խոզանանման մազմզուկներով և գեղձիկներով։ Տերևիկները կրկնակի ատամնաեզր են, ներքևից ծածկված գեղձիկներով։ Փշերը բարակ են, մախաթանման, խառնված մանր փշիկների հետ։ Ծաղկակիրները ծածկված են ցրված գեղձախոզանանման մազմզուկներով։ Ծաղիկները կրեմագույն են։ Հասուն հիպանթիումը հաճախ տանձանման է, հարթ կամ գեղձապատ։
Տարածվածություն
խմբագրելՏարածված է Կովկասում, Ղրիմում։ Հայաստանի պայմաններում հանդիպում է կենտրոնական շրջաններում և Արարատյան դաշտում, ստորին լեռնային գոտում, թփուտներում և բաց, արևոտ վայրերում։
Կիրառություն
խմբագրելՄեծ հետաքրքրություն է ներկայացնում որպես չորադիմացկուն, ջերմադիմացկուն պատվաստակալ[1]։
Ծանոթագրություններ
խմբագրել- ↑ Հարությունյան Լ․ Վ․, Հարությունյան Ս․ Լ․, Հայաստանի դենդրոֆլորան, հ. 1, Երևան, «Լույս հրատարակչություն», 1985, էջ (400)։