Մասնակից:Zack demirtshyan/Երևան․ ճեպանկարների գիրք

«Երևան. ճեպանկարների գիրք»
Հեղինակ	Արարատ Մինասյան և Զաքար Դեմիրճյան, Քրիստ Մանարյան
Ժանր	արվեստ
Լեզու	հայերեն, անգլերեն
Ստեղծման տարեթիվ	2015-2017
Էջեր	164
Խմբագիր	Հայկ Համբարձումյան
Հրատարակում(ներ)	Զանգակ
Երկիր	Հայաստանի Հանրապետություն
Հրատարակման վայր	Երևան
Կայք	zangak.am/product_info.php?products_id=1412&language=am

«Երևան. ճեպանկարների գիրք»^[1], պատկերագիրք, որը ներկայացնում է մայրաքաղաքը ոչ միայն իր հարուստ պատմությամբ ու տեսարժան վայրերով, այլև գույներով ու բույրերով, աղմուկով ու երաժշտությամբ, հայտնի ու անհայտ բնակիչներով, ամեն վայրկյան տրոփող առօրյա կյանքով: Գիրքը ստեղծվել է Զանգակ հրատարակչության տնօրեն Էմին Մկրտչյանի մտահղացմամբ, Նկարիչներ Արարատ Մինասյանի և Զաքար Դեմիրճյանի կողմից։

Նկարագրություն խմբագրել

Նկարիչներ Արարատ Մինասյանն ու Զաքար Դեմիրճյանը երբեմն հպանցիկ տպավորություններով, երբեմն էլ հիմնավոր ու խոհուն հայացքով երևանցիներին ու մայրաքաղաքի հյուրերին են փոխանցում հարուստ անցյալի ու աշխույժ ներկայի, Արևելքի ու Արևմուտքի խաչմերուկում կանգնած քաղաքի իրենց պատկերը՝ գունագեղ ու խայտաբղետ, տեղ–տեղ սև ու սպիտակ, սակայն երևանցիների համար մշտապես սիրելի, իսկ հյուրերի համար հետաքրքիր ու անսպասելի բացահայտումներով լի: Թեթև ուրվագծերով, երբեմն էլ թանձր վրձնահարվածներով ճեպանկարների միջոցով ներկայացող հին ու նոր Երևանի պատկերները է՛լ ավելի հարազատ կդարձնեն մայրաքաղաքը հայերի համար, իսկ զբոսաշրջիկների երևանյան ուղևորությունն այս գրքի ուղեկցությամբ անմոռանալի կդառնա ^[2]: