Մասնակից:Sunshinsee/Ավազարկղ 2
«Դագ: Հատուկ առաքելություն» (անգլ.՝ Dug's Special Mission), Pixar ընկերության կարճամետրաժ անիմացիոն ֆիլմ, որի ռեժիսորն է Ռոնի դել Կարմենը: Մուլտֆիլմի պրեմիերան կայացել է 2009 թվականին: Այն դարձել է Pixar ընկերության «Վեր»[1] լիամետրաժ մուլտֆիլմի սկավառակի հավելում և պատմել է մուլտֆիլմի հերոսներից մեկի՝ Դագի կյանքի դրվագներից մեկի մասին։
Pixar ստուդիայի «Վեր»[2] ֆիլմի պրոդյուսեր Ջոնաս Ռիվերայի խոսքերով, Դագի հատուկ առաքելությունը «մի փոքր նախապատմություն է, թե ինչ էր իրականում անում Դագը այս խորհրդավոր առաքելության մեջ, երբ մենք հանդիպում ենք նրան»: Մի խոսքով, երբ Ալֆան, Բետան և Գամման հանձնարարում են Դագին բռնել թռչունին, նրանց հրահանգները իրականում նախատեսված էին Դագին իրենցից հեռու պահելու համար:
Սյուժե խմբագրել
Դագի ծննդյան օրն էր: Նա երազում էր, որ դա իր կյանքի ամենաերջանիկ օրը լինի: Դագը ուսումնասիրում է ծաղիկները, և այդ պահին մյուս երեք շները (Ալֆան, Բետան, Գամման) անցնում են կողքով՝ փորձելով բռնել թռչունին։ Դագը ցանկանում է ինչ-որ բանով օգնել նրանց, և Ալֆան նրան «հատուկ առաքելություն» է հանձնարարում: Առաքելությունն էր հսկել հսկայական քարը, որպեսզի նա տեղից չշարժվի։ Պարզ էր, որ դա ընդամենը պատրվակ էր, իրենց խանգարող Դագին զբաղեցնելու համար, բայց Դագը մոտենում է առաքելությանը շատ լուրջ. նա հետևում է քարին, սակայն պատահական դիպչում է մի փոքրիկ քարի, որի պատճառով հսկայական քարերը սկսում են թափվել և գրեթե սպանում են Ալֆային, Բետային և Գամմային։
Այնուհետև երեք շները նրան նոր հանձնարարություն են տալիս: Այս անգամ Դագին հանձնարարված էր հետևել թռչնի սիրելի անցքին, բայց դա նույնպես նրա մոտ չի ստացվում: Դագը, սորուն ավազների պատճառով ընկնում է շների գլխին:
Ամեն ինչ շարունակվում է նույն ձևով: Որքան էլ Ալֆան պարզ կամ անիմաստ առաջադրանք է տալիս Դագին, պատահականության կամքով նա ամեն ինչ փչացնում է: Ի վերջո, Ալֆայի համբերությունը սպառվում է և նա Դագին ասում է այն ամենը, ինչ մտածում է նրա մասին, մասնավորապես, որ նա վատ շուն է: Նեղացած Դագը հեռանում է՝ կրկնելով, որ դա իր կյանքի ամենավատ ծննդյան օրն է։
Սակայն մուլտֆիլմը լավ է ավարտվում: Դագը հանդիպում է իր նոր տերերին՝ Կառլին ու Ռասսելին, ովքեր էլ հանդիսանում են «Վեր» մուլտֆիլմի գլխավոր հերոսները։
Դերերը հնչյունավորել են խմբագրել
- Բոբ Փիթերսոն՝ Դագ, Ալֆա
- Դելրոյ Լինդո՝ Բետա
- Ջերամի Ռենֆթ՝ Գամմա
- Էդվարդ Անսեռ՝ Կառլ Ֆրեդրիքսեն
- Ջորդան Նագաի՝ Ռասսել
Ռուսական կրկնօրինակում խմբագրել
- Վլադիմիր Տյագիչև՝ Դագ
- Ալեքսանդր Ստեֆանցով՝ Ալֆա
- Վլադիմիր Մայսուրաձե՝ Բետա
- Պավել Ուրսուլ՝ Գամմա
- Արմեն Ջիգարխանյան՝ Կառլ Ֆրեդրիքսեն
- Իվան Չուվատկին՝ Ռասսել
Մուլտֆիլմը կրկնօրինակվել է 2009[3] թվականին «Նևաֆիլմ» ստուդիայի կողմից՝ «Disney Character Voices International» ընկերության պատվերով:
- Տեղեկատվական ստուդիա՝ Shepperton International
- Կրկնօրինակման ռեժիսոր՝ Պավել Ուրսուլ
- Տեքստի թարգմանիչ և հեղինակ՝ Սվետլանա Զայցևա
- Ռեժիսորի օգնական՝ Կսենիա Չասովսկիխ
- Ձայնային ռեժիսոր՝ Ջորջ Խուսեյնով
- Նախագծի մենեջեր՝ Յուլիա Պոկրովսկայա
- Ստեղծագործական խորհրդատու՝ Սերգեյ Պասով
Ծանոթագրություններ խմբագրել
- ↑ Sciretta, Peter (August 10, 2009). «Pixar's Up and Monsters Inc DVD/Blu-Ray Releases Announced». SlashFilm. Վերցված է August 31, 2012-ին.
- ↑ «Up's companion short films are revealed». SciFi Wire. 2009-05-26. Վերցված է 2009-05-27-ին. (չաշխատող հղում)
- ↑ Данные о русском дубляже, представленные на DVD-диске после показа мультфильма.
Արտաքին հղումներ խմբագրել
- «Դագ. Հատուկ առաքելություն»(անգլ.) ֆիլմը Internet Movie Database կայքում
- «Sunshinsee/Ավազարկղ 2»(անգլ.) Big Cartoon DataBase կայքում
- DVD սկավառակի նկարագրություն