Մագնիսական դաշտի լարվածություն

Մագնիսական դաշտի լարվածություն, վեկտորական ֆիզիկական մեծություն, միջավայրում մագնիսական դաշտի քանակական բնութագրերից։ Նշանակումը՝ ${\vec {H}}$։

Հատկություններ

Ընդհանուր դեպքում մագնիսական դաշտի լարվածությունը կախված է ժամանակից և տարածական կոորդինատներից։ Բավարարում է Մաքսվելի հավասարումներին։

Միավորների ՍԳՎ համակարգում ${\vec {H}}$-ը մագնիսական դաշտի մյուս ավելի հիմնական բնութագրի՝ մագնիսական ինդուկցիայի ${\vec {B}}$ վեկտորի հետ կապված է

${\vec {B}}={\vec {H}}+4\pi M$

առնչությամբ, որտեղ M-ը մագնիսացման վեկտորն է, այսինքն՝ միջավայրի միավոր ծավալի մագնիսական մոմենտը։

Իզոտրոպ միջավայրի դեպքում ${\vec {H}}$ և ${\vec {B}}$ վեկտորները կապված են պարզ գծային առնչությամբ՝

${\vec {H}}={\frac {\vec {B}}{\mu }}$

(ՍԳՎ համակարգում), որտեղ $\mu$-ն միջավայրի մագնիսական թափանցելիությունն է։ Վակուումում $\mu =1$ և մագնիսական դաշտի լարվածությունը համընկնում է մագնիսական դաշտի ինդուկցիային։

Չափման միավորներ

ՍԳՎ համակարգում մագնիսական դաշտի լարվածության չափման միավորը էրստեդն է, իսկ Միավորների միջազգային համակարգում՝ ա/մ-ը (1 է= 79.6 ամպեր/մ)։

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից  (հ․ 4, էջ 506)։