Ճեղքում (հուշահամալիր)
«Ճեղքում» հուշահամալիր (ռուս.՝ Мемориал «Прорыв»), հուշահամալիր «Փառքի կանաչ գոտի» համալիրի կազմի մեջ։ Գտնվում է Ռուսաստանի Դաշնության Լենինգրադի մարզի Կիրովսկի շրջանում։ Կառուցվել է 1969-1973 թվականներին։
 | |
|---|---|
 «Լենինգրադի շրջափակման ճեղքում» թանգարան-տրամանկարը | |
 | |
 | |
| Կոորդինատներ | 59°54′32″ հս․ լ. 30°59′40″ ավ. ե.HGЯO |
| Գտնվում է |  ՌուսաստանԼենինգրադի մարզ Կիրովսկի շրջան |
| Կառուցվել է | 1967 |
| Շինության ձևը | Հուշահամալիր |
| Ներկա վիճակը | Կանգուն |
Հուշահամալիրը Ռուսաստանի դաշնային նշանակության պատմության հուշարձան է (գրանցման համար` 471510280300546) համաձայն ՌԽՖՍՀ նախարարների խորհրդի 1974 թվականի դեկտեմբերի 4-ի թիվ 624 որոշման[1]։
Ներառում է T-34 հուշարձան-տանկը Մարյինո գյուղի մոտ` Նևայի ձախ ափին (Լադոգայի կամրջի մոտ), կոթողը Սինյավինո գյուղում (Պետրոզավոդսկոյե խճուղու 66-րդ կիլոմետր) և «Լենինգրադի շրջափակման ճեղքում» թանգարան-տրամանկարը։
ՆկարագրությունԽմբագրել
T-34 հուշարձան-տանկԽմբագրել
Որպես հուշարձան ծառայում է Т-34-85 տանկը, որն այստեղ տեղադրվել է 1967 թվականին։ Թեև այս տանկերը չեն մասնակցել Լենինգրադի շրջափակումը ճեղքելու ռազմական գործողություններին, քանի որ նրանց թողարկումը սկսվել է միայն 1944 թվականի հունվարին, այնուամենայնիվ հենց այս տեսակն է ճանաչվել Երկրորդ համաշխարհային պատերազմի լավագույն միջին տանկ[2]։
«Լենինգրադի շրջափակման ճեղքում» թանգարան-տրամանկարԽմբագրել
Թանգարանը բացվել է 1985 թվականի մայիսի 7-ին։ Այն գտնվում է Լադոգայի կամրջի թեքահարթակում։ Լենինգրադցի նկարիչներ Յ. Գարիկովը, Կ. Մոլտենինովը, Լ. Կաբաչեկը, Բ. Կոտիկը, Ն. Կուտուզովը, Ֆ. Սավոստյանովը և Վ. Սելեզնյովը երեք տարուց ավելի աշխատել են թանգարանի ներսում կիսախավարի մեջ երևացող «Իսկրա» գործողությունը վերարտադրող ժապավենաձև հսկա պատկերի վրա։ Դա շրջադարձային պահ էր. 1943 թվականի հունվարի կեսերին երկու ռազմաճակատները` Լենինգրադինը և Վոլխովինը, կռվով անցան Նևան և յոթ օրում հաղթեցին Շլիսելբուրգ-Սինյավինսկի ելուստը պահող գերմանացիներին։ Տրամագիրը պատկերում է տանկերի գետանցը, որը տեղի է ունեցել հենց այստեղ։ Տանկերը փայտե չորսուներով անցնում են դեպի Նևայի մյուս կողմը, ջոկերը վազում են սառույցի վրայով, պայթում են ռումբերը, թռչում են կործանիչները, ոմանք մոտենում են գետին, ոմանք զոհվել են[3]։
ՊատկերասրահԽմբագրել
Համալիրի համայնապատկերը
Համալիրի ընդհանուր տեսքը
«Լենինգրադի շրջափակման ճեղքում» տրամանկարը
«Լենինգրադի շրջափակման ճեղքում» տրամանկարը
Թանգարանի մասին պատմող ցուցատախտակը
.jpg)
ԾանոթագրություններԽմբագրել
ԳրականությունԽմբագրել
- Гусаров А. Ю. Памятники воинской славы Петербурга. — СПб.: Паритет, 2010. — 400 с. — ISBN 978-5-93437-363-5.