Հրաչյա Գագիկի Միքայելյան (հունվարի 9, 1975(1975-01-09)[1], Երևան, Հայկական ԽՍՀ, ԽՍՀՄ), հայ ֆուտբոլիստ, որ հանդես է եկել կենտրոնական պաշտպանի դիրքում։

Football pictogram.svg
Հրաչյա Միքայելյան
Անձնական տվյալներ
Քաղաքացիությունը Flag of Armenia.svg Հայաստան
Ծննդյան ամսաթիվ հունվարի 9, 1975(1975-01-09)[1] (47 տարեկան)
Ծննդավայր Երևան, Հայկական ԽՍՀ, ԽՍՀՄ
Դիրք պաշտպան
Ակումբային տեղեկություններ
Ներկա ակումբ ավարտել է կարիերան
Մասնագիտական կարիերա*
Տարի Ակումբ Խաղ (Գոլ)
2000 Հայաստան Դինամո (Երևան) 23 (3)
2001-2002 Հայաստան Դինամո-2000 31 (1)
2002 Հայաստան Միկա 7 (0)
2002-2003 Հայաստան Դինամո-2000 14 (3)
2003-2009 Հայաստան Միկա 117[2] (6)
2002  Հայաստան Միկա-2 3 (0)
2010 Հայաստան Իմպուլս 25 (0)
* Մասնագիտական կարիերայում ընդգրկված են միայն առաջնության խաղերը և գոլերը:

Խաղացողի կարիերաԽմբագրել

Հրաչյա Միքայելյանը Հայաստանի առաջնությունում իր նորամուտը կատարել է 2000 թվականի մարտի 25-ին, երբ արդեն լրացել էր նրա 25 տարին։ Նորամուտը նշել է լիգայի նորեկ երևանյան «Դինամոյում»։ Առաջին իսկ տուրում Միքայելյանը խաղադաշտ է դուրս եկել թիմի մեկնարկային կազմում՝ մասնակցելով «Զվարթնոց-ԱԱԼ» ակումբի դեմ խաղին, որն ավարտվել է «Դինամոյի» պարտությամբ (0:2)։ Հաջորդ տուրում, որը կայացել է ապրիլի 4-ին Կապանում ընդդեմ տեղի «Լեռնագործի», Միքայելյանը նույնպես խաղադաշտ է դուրս եկել թիմի մեկնարկային կազմում և հանդիպման 32-րդ րոպեին գրավել տանտերերի դարպասը։ Այդ մրցաշրջանում Միքայելյանը մասնակցել է թիմի 26 խաղերից 23-ին[3]։ Սակայն «Դինամոն» չի կարողացել ամրապնդել իր դիրքերը Հայաստանի բարձրագույն լիգայում և նորից անցել է Առաջին լիգա, իսկ Միքայելյանը տեղափոխվել է երևանյան մեկ այլ ակումբ՝ «Դինամո-2000»։ 2002 թվականին՝ առաջին տուրի ավարտից հետո, տեղափոխվել է «Միկա», որտեղ մրցաշրջանի մնացած մասն անցկացնելուց հետո վերադարձել է «Դինամո-2000»։ Կարճ ժամանակ խաղալով Երևանում՝ Միքայելյանը նորից վերադարձել է Աշտարակ։

2003-2009 թվականներին Հրաչյա Միքայելյանը եղել է «Միկայի» մեկնարկային կազմի անփոփոխ խաղացող, ինչպես նաև թիմի ավագ երկար տարիների ընթացքում։ «Միկայի» կազմում Միքայելյանը երկու անգամ նվաճել է Հայաստանի գավաթը, դարձել Սուպերգավաթի դափնեկիր, երեք անգամ արժանացել է Հայաստանի առաջնության արծաթե, երկու անգամ՝ բրոնզե մեդալների։ 2010 թվականի առաջնության մրցաշրջանի սկսվելուց առաջ «Միկայի» մարզչական կազմը որոշել է հրաժարվել ֆուտբոլիստի ծառայություններից։ Որոշ ժամանակ անց Միքայելյանը պայմանագիր է կնքել Պրեմիեր լիգայի նորեկ դիլիջանյան «Իմպուլսի» հետ։ Առաջնության ավարտից հետո ակումբը չի երկարաձգել ֆուտբոլիստի հետ կնքված պայմանագրի ժամկետը։

ՁեռքբերումներԽմբագրել

ԾանոթագրություններԽմբագրել

  1. 1,0 1,1 Transfermarkt.com(բազմ․) — 2000.
  2. 2005 թվականի մրցաշրջանի տվյալները բացակայում են։
  3. «Грачья Микаелян – в списке 20-и ветеранов» (ռուսերեն)։ Armsport.com։ Արխիվացված է օրիգինալից 2010-10-07-ին։ Վերցված է 7.10.2010 

Արտաքին հղումներԽմբագրել