Հրաչիկ Նազարյան
- Վիքիպեդիայում կան հոդվածներ Նազարյան ազգանունով այլ մարդկանց մասին։
Հրաչիկ Հարությունի Նազարյան (մարտի 27, 1952, Երևան, Հայկական ԽՍՀ, ԽՍՀՄ), կլառնետահար, մանկավարժ, պրոֆեսոր (2012), Փարիզի գիտությունների միջազգային ակադեմիայի անդամ (2016)։ Երգչուհի, խմբավար Լաուրա Մամյանի ամուսինը։
Հրաչիկ Նազարյան | |
---|---|
Ծնվել է | մարտի 27, 1952 (72 տարեկան) Երևան, Հայկական ԽՍՀ, ԽՍՀՄ |
Երկիր | Հայաստան |
Մասնագիտություն | կլառնետահար |
Աշխատավայր | Հայկական պետական մանկավարժական համալսարան |
Կրթություն | Երևանի Կոմիտասի անվան պետական կոնսերվատորիա |
Կենսագրություն խմբագրել
Հրաչիկ Նազարյանը ծնվել է 1952 թվականի մարտի 27-ին Երևանում։ 1971 թվականին ավարտել է Երևանի Ա. Բաբաջանյանի անվան երաժշտամանկավարժական ուսումնարան, 1979 թվականին՝ Երևանի պետական կոնսերվատորիա։
1972-1979 թվականներին եղել է Հայաստանի ռադիոյի սիմֆոնիկ նվագախմբի կլառնետահար, 1979 թվականին՝ Հայաստանի ժողովրդական գործիքների նվագախմբի առաջին դուդուկահար, 1980-1982 թվականներին՝ «Տկզար» անսամբլի դուդուկահար և դիրիժոր, 1982-1985 թվականներին՝ Գեղագիտական կենտրոնի դիրիժոր, 1983 թվականից՝ Հայաստանի ժողովրդական և գուսանական երգի պետական անսամբլի դուդուկահար (1991-2011 թվականներին՝ տնօրեն)։ 1980 թվականին սկսել է դասավանդել ԵՊՄՀ (պրոֆեսոր՝ 2012 թվականից)։
Հեղինակել է «Դուդուկի ձեռնարկ», «Մենանվագներ դուդուկի համար», «Երկեր դուդուկի ու դաշնամուրի համար» (բոլորը՝ 2008), «Ստեղծագործություններ կլառնետի և դաշնամուրի համար» (2013), «Գամմաներ կլառնետի համար», «Էտյուդներ կլառնետի համար», «Կոմիտաս. երկեր կլառնետի և դաշնամուրի համար» (բոլորը՝ 2012) ձեռնարկները։
Մրցանակներ խմբագրել
- 1967 – Պ. Ի. Չայկովսկու անվան միջազգային մրցույթի 1-ին մրցանակ և ոսկե մեդալ (Սիմֆերոպոլ),
- 2008 – Սևծովյան երկրների միության միջազգային մրցույթի դափնեկիր (Քոբուլեթի),
- 2012 – ՀՀ մշակույթի նախարարության ոսկե մեդալ,
- 2001 – Բաբելոնյան մրցույթ-փառատոնի դափնեկիր (Բաղդադ)[1]։
Ծանոթագրություններ խմբագրել
Այս հոդվածի կամ նրա բաժնի որոշակի հատված վերցված է «Հայ երաժշտության հանրագիտարանից», որի նյութերը թողարկված են՝ Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) թույլատրագրի ներքո։ |