Հովակիմ Օղուլլուխյան

Հովակիմ Օղուլլուխյան;
Ծնվել է	1749 կամ 1746
Ծննդավայր	Տրապիզոն, Օսմանյան կայսրություն
Մահացել է	1818 կամ 1815
Մահվան վայր	Կոստանդնուպոլիս
Կրթություն	Վիեննայի համալսարան
Մասնագիտություն	բժիշկ

Հովակիմ Օղուլլուխյան (1749 կամ 1746, Տրապիզոն, Օսմանյան կայսրություն - 1818 կամ 1815, Կոստանդնուպոլիս), հայ բժիշկ։

Կենսագրություն խմբագրել

Բժշկական կրթությունն ստացել է Վիեննայի համալսարանում։ Հիմնականում ապրել և ստեղծագործել էր Կ․ Պոլսում։ Զբաղվել էր ժողովրդական բժշկությամբ։ Իր բժշկաառողջապահական և մանկավարժի բազմամյա փորձը Օղուլլուխյանը շարադրել էր «Նյութ բժշկական» բժշկարան–դեղարանում (1785, լատիներեն, 1806, հայերեն)։

Գիրքն ունի առաջաբան, 30 գլուխ, ուր շարադրված էին բժշկության, բնական բուժիչ միջոցների օգտագործման, օդաբուժության, ջրաբուժության, բուսաբուժության, սննդի հիգիենայի, շրջակա միջավայրի մաքրության պահպանման, անատոմիայի և ֆիզիոլոգիայի, հիվանդությունների ախտորոշման և դեղորայքի օգտագործման հետ կապված բազմաթիվ հարցեր։

Օղուլլուխյանը հեղինակ էր նաև «Ախտաբանություն» (1783, լատիներեն) երկհատոր աշխատության։

Գրականության խմբագրել

Թորգոմյան Վ․ Հովակիմ բժիշկ Օղուլլուխյան, «ՀԱ», 1896, 4, 5։
Մեզպուրյան Ա., Հայ և ծագումով հայ բժիշկներ, մաս 1, Ստամբուլ, 1950:

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից։

Սա անձի մասին անավարտ հոդված է։ Դուք կարող եք օգնել Վիքիպեդիային՝ ուղղելով և լրացնելով այն։