Հոկտեմբեր (ժողովածու)

Անվան այլ կիրառումների համար տե՛ս՝ Հոկտեմբեր (այլ կիրառումներ)

«Հոկտեմբեր», խորհրդային շրջանի գրական-գեղարվեստական ժողովածու (տարեկան 2—3 համար)։ Հանդիսացել է Վրաստանի պրոլետարական գրողների ասոցիացիայի հայկական մասնաճյուղի օրգանը։ Խմբագիր՝ Վ. Արյան։ Լույս է տեսել 1927 թ.-ին, 1930—1933 թթ.-ին, Թիֆլիսում։ Տպագրել է արձակ և չափածո գործեր, բանասիրական, տեսական-քննադատական, հասարակական-քաղաքական հոդվածներ։ Հրատարակել է Շիրվանզադեի, Նար-Դոսի, Հ. Հակոբյանի, Մ. Պետրոսյանի, Մ. Ավետիսյանի, Գ. Կալաթի, Բ. Հայկի և ուրիշների ստեղծագործությունները։

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից  (հ․ 6, էջ 515)։