Հինձք

Հինձք, գյուղ Արևմտյան Հայաստանում, Էրզրումի վիլայեթի Բասենի գավառակում։ Գտնվում էր Էրզրում քաղաքից 18 կմ հյուսիս-արևելք։ Մտնում էր Վերին Բասենի կազմի մեջ։

Գյուղ
Հինձք
Վարչական տարածք	Արևմտյան Հայաստան
Վիլայեթ	Էրզրումի վիլայեթԷրզրումի վիլայեթ
Գավառակ	Բասենի գավառակ
Այլ անվանումներ	Գինս, Խինծ, Խինծք, Խինձ, Կարմիր վանք, Հինծիկ
Պաշտոնական լեզու	Հայերեն
Ազգային կազմ	Հայեր (մինչև Մեծ եղեռնը)
Կրոնական կազմ	Քրիստոնյա (մինչև Մեծ եղեռնը)
Ժամային գոտի	UTC+3
Հինձք (Աշխարհ)

Անվանումներ

Գյուղն ունեցել է հետևյալ անվանումները. Գինս, Խինծ, Խինծք, Խինձ, Խինձք, Խինցիկ, Կարմիր վանք, Հինծ, Հինծի, Հինծիկ, Հինծք, Հինձ, Հինձի, Հինոք, Հինս, Հինց, Հինցիկ, Հնծուկ, Հնձուկ, Հնձուկ գեղ, Հնձուց գյուղ։

Պատմություն

Հայաբնակ և մարդաշատ գյուղ էր։ Գյուղի բնակիչները տարբեր ժամանակներում գաղթել են Կովկաս։ 1830-ականներին բավական թվով հայեր գաղթել և բնակություն են հաստատել Ախալցխայի գավառի Սխվիլիս ու Սազել գյուղերում։ Հինձքի հայ բնակչությունը տեղահանվել է 1915 թվականի Մեծ եղեռնի ժամանակ։

Բնակչություն

1915 թվականին ուներ 200 տուն՝ 1300 հայ բնակչով։

Տնտեսություն

Բնակչության հիմնական զբաղմունքը անասնապահությունն ու գյուղատնտեսությունն էր։ Մասնակի զբաղվում էին նաև առևտրով և արհեստներով։

Պատմամշակութային կառույցներ

Հինձքն ուներ 2 եկեղեցի։ Գյուղի շրջակայքում կային զանազան հնություններ։ Գյուղից 3-3.5 կմ հեռու գտնվում էր հայտնի Հնձուց վանքը։

Կրթություն

Գյուղն ուներ տղաների նախակրթարան։

Անվանի մարդիկ

Հինձքում է ծնվել տաղերգու Կարապետ Հնձեցին (1736-1790)։

Տես նաև

• Էրզրումի նահանգի հայաբնակ բնակավայրեր

Աղբյուրներ

• «Հայաստանի և հարակից շրջանների տեղանունների բառարան» (5 հատորով), 1986-2001 թթ., Երևանի Համալսարանի հրատարակչություն
• Արեւմտահայաստանի եւ Արեւմտահայութեան Հարցերու Ուսումնասիրութեան Կեդրոն