Հիդրոնիում

Հիդրոնիում
Քիմիական բանաձև	H₃O⁺
Մոլային զանգված	3,2E−26 կիլոգրամ գ/մոլ
Քիմիական հատկություններ
pKa	0 ± 0,01
Դասակարգում
CAS համար	13968-08-6
PubChem	123332
SMILES	[OH3+]
ChEBI	109935
	Եթե հատուկ նշված չէ, ապա բոլոր արժեքները բերված են ստանդարտ պայմանների համար (25 °C, 100 կՊա)

Հիդրոնիում, հիդրոնիումի իոն, հիդրօքսոնիումի իոն, ջրային լուծույթում ջրածնի հիդրատացված իոնը՝ H₃O⁺։ Լուծույթում ջրածնի ազատ իոնը (այսինքն, ջրածնի ատոմի միջուկը՝ պրոտոնը) կապվում է ջրի մոլեկուլների հետ՝ առաջացնելով, գլխավորապես հիդրոնիում՝ H⁺+H₂Օ=H₃Օ⁺։ Պրոտոնի աննշան չափի (10^-¹³ սմ, մնացած իոնների շառավիղները 10^-⁸ սմ կարգի են) պատճառով այն ստեղծում է էլեկտրական ուժեղ դաշտ, որի ազդեցությամբ ջրի մոլեկուլի թթվածնի ազատ էլեկտրոնային զույգի և պրոտոնի միջև առաջանում է կովալենտ կապ։ Հիդրոնիումի առաջացումը նման է ամոնիումի իոնի առաջացմանը (տես նաև Ազոտ)։ Բյուրեղներում H³Օ⁺ իոնը կոչվում է օքսոնիում։ Պարզված է, որ ջրի մոլեկուլների ասոցման պատճառով հիդրոնիում կապվում է մեծ քանակությամբ ջրի հետ։ Այդ դեպքում ստացված հիդրոնիումի հիդրատացված իոններն արտահայտում են H₅O₂⁺, H₇O₃⁺, H₉O₄⁺ բանաձևերով։

ԾանոթագրություններԽմբագրել

↑ ^1,0 ^1,1 Oxonium
↑ Binas (նիդերլ.) — 2 — Noordhoff Uitgevers, 1986. — ISBN 978-90-01-89351-4

Սա գիտության Քիմիա բնագավառի մասին անավարտ հոդված է։ Դուք կարող եք օգնել Վիքիպեդիային՝ ուղղելով և լրացնելով այն։

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից (հ․ 6, էջ 399)։

[_e0aac29a611b9d54-1] 1,0 ^1,1 Oxonium

[_1445ab05dcdd2c81-2] Binas (նիդերլ.) — 2 — Noordhoff Uitgevers, 1986. — ISBN 978-90-01-89351-4

[1]

[2]