Հերբերտ Քաեն

Հերբերտ Քաեն;
Ծնվել է	ապրիլի 3, 1916
Ծննդավայր	Սակրամենտո, ԱՄՆ
Մահացել է	փետրվարի 1, 1997 (80 տարեկան)
Մահվան վայր	Սան Ֆրանցիսկո, Կալիֆոռնիա, ԱՄՆ
Քաղաքացիություն	ԱՄՆ
Կրթություն	Sacramento Charter High School?
Մասնագիտություն	լրագրող
	Herb Caen Վիքիպահեստում

Հերբերտ Յուջին Քաեն (անգլ.՝ Herbert Eugene Caen, առավել գործածական է անվան Հերբ Քաեն (Herb Caen) ձևը. ապրիլի 3, 1916(1916-04-03)^[1]^[2], Սակրամենտո, ԱՄՆ - փետրվարի 1, 1997(1997-02-01)^[3], Սան Ֆրանցիսկո, Կալիֆոռնիա, ԱՄՆ)^[4], քսաներորդ դարի ամերիկացի անվանի լրագրող, ով իր տաղանդի ու վաստակի համար արժանացել է Պուլիտցերյան հատուկ մրցանակի^[5]՝ «Սան Ֆրանցիսկո քաղաքի ձայնն ու խիղճը լինելու, այդ քաղաքի կյանքում աննախադեպ, արտակարգ և տևական ներդրում ունենալու համար» ձևակերպումով։ 1930-ական թվականների վերջերից մինչև իր մահը՝ շուրջ վեց տասնամյակ նա աշխատակցել է San Francisco Chronicle-ին (բացառությամբ 1950-1958 թթ. ընկած ժամանակահատվածի, երբ եղել է The San Francisco Examiner-ի աշխատակիցը) և զգալի ավանդ ներդրել այդ պարբերականի ժողովրդականության ու տպաքանակի աճի գործում։ Մահացել է 1997 թվականին. նրա հուղարկավորությունը համարվում է Սան Ֆրանցիսկոյի նորագույն ժամանակների պատմության կարևորագույն իրադարձություններից մեկը։

Կենսագրություն խմբագրել

Քաենը ծնվել ու հասակ է առել ԱՄՆ-ի Կալիֆոռնիա նահանգի վարչական կենտրոնում՝ Սակրամենտո քաղաքում, իսկ իր ժուռնալիստական գործունեությունն սկսել, ծավալել ու ավարտել է Սան Ֆրանցիսկոյում։ Նա մեծ ճանաչում է ձեռք բերել իր հեղինակած "It's News to Me" խորագրով թերթային սյունակում պարբերաբար լույս ընծայած նյութերի շնորհիվ (այդ խորագիրը թերթում առաջին անգամ հայտնվել է 1938 թվականի հուլիսի 5-ին)։ Թերթի գրեթե յուրաքանչյուր համարում տեղ գտած իր սյունակում Քաենն անդրադարձել է քաղաքի կյանքի կարևոր դեպքերին, քաղաքական, հասարակական իրադարձություններին, նույնիսկ՝ բամբասանքներին, հորինել հրատապ թեմային առնչվող բառեր, բառախաղեր, անեկդոտներ, կենսական, հուզական լիցք է հաղորդել իր շարադրանքին՝ պատկերելով առօրյա կյանքից վերցրած մանրամասներ, որոնք առաջին հայացքից կարող էին նույնիսկ չնչին ու աննշան թվալ։ Իր ստեղծագործական աշխատանքով նա որոշակի ազդեցություն է գործել փոփ մշակույթի, վերջինիս բառապաշարի ու լեզվաոճական ձևերի վրա։ Քաենն է հորինել բիտնիկ (beatnik) բառը և առաջին անգամ գործածել թերթի 1958 թ. ապրիլի 2-ին լույս տեսած համարում տեղ գտած իր հեղինակային սյունակում^[6], 1967 թվականին Սան Ֆրանցիսկոյում կայացած «Սիրո ամառ» իրադարձության ժամանակ էլ ժողովրդականացրել է հիպպի (hippie) բառը։ Նրա ժողովրդականացրած եզրույթներից են նաև ֆրիսբի-ն (frisbee), Bagdhad by the Bay-ը...

1949 թվականին լույս է տեսել Հերբ Քաենի էսսեների ժողովածուն՝ «Bagdhad by the Bay» խորագրով։

Ծանոթագրություններ խմբագրել

↑ ^1,0 ^1,1 SNAC — 2010.
↑ ^2,0 ^2,1 Find A Grave — 1996.
↑ ^3,0 ^3,1 ^3,2 https://www.washingtonpost.com/archive/local/1997/02/02/san-francisco-columnist-herb-caen-dies-at-80/c196faeb-572f-4b9a-b6f4-6ba053a2c995/
↑ G.Photographer. «Herb Caen». Find a Grave (անգլերեն). Վերցված է 27 octobre 2015-ին.
↑ Caen recibe el Premio Pulitzer
↑ Caen, Herb.

Արտաքին հղումներ խմբագրել

Վիքիպահեստն ունի նյութեր, որոնք վերաբերում են «Հերբերտ Քաեն» հոդվածին։

[_cce6dd8be47dff68-1] 1,0 ^1,1 SNAC — 2010.

[_8bb53ae8f803745e-2] 2,0 ^2,1 Find A Grave — 1996.

[_5cf0af7294b16f93-3] 3,0 ^3,1 ^3,2 https://www.washingtonpost.com/archive/local/1997/02/02/san-francisco-columnist-herb-caen-dies-at-80/c196faeb-572f-4b9a-b6f4-6ba053a2c995/

[4] G.Photographer. «Herb Caen». Find a Grave (անգլերեն). Վերցված է 27 octobre 2015-ին.

[5] Caen recibe el Premio Pulitzer

[6] Caen, Herb.

[1]

[2]

[3]

[4]

[5]

[6]

Հերբերտ Քաեն

Ծնվել է	ապրիլի 3, 1916(1916-04-03)^[1]^[2]
Ծննդավայր	Սակրամենտո, ԱՄՆ
Մահացել է	փետրվարի 1, 1997(1997-02-01)^[3] (80 տարեկան)
Մահվան վայր	Սան Ֆրանցիսկո, Կալիֆոռնիա, ԱՄՆ
Քաղաքացիություն	ԱՄՆ
Կրթություն	Sacramento Charter High School?
Մասնագիտություն	լրագրող
Herb Caen Վիքիպահեստում