Հենրի (չափման միավոր)

Հենրի (նշանակումը՝ Հն, H), Միավորների միջազգային և MKSA համակարգերում ինդուկտիվության և փոխադարձ ինդուկտիվության չափման միավոր։ Կրճատ նշանակվում է հն (միջազգային նշանակումը՝ H)։ Շղթան ունի մեկ հենրի ինդուկտիվություն, եթե 1 ամպեր հոսանքի փոփոխությունը վայրկյանում ստեղծում է 1 վոլտի հավասար էլեկտրամագնիսական ինդուկցիա։

Այլ ՍԻ համակարգի չափման միավորներով հենրին արտահայտվում է հետևյալ կերպ՝

Հն = Վ·վ·Ա⁻¹= կգ·մ²·վ⁻²·Ա⁻²

Միավորը անվանել են ամերիկացի ֆիզիկոս Ջոզեֆ Հենրիի պատվին։

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից  (հ․ 6, էջ 354)։