Վայրկյան

Վայրկյան, ժամանակի չափման միավոր, Միավորների միջազգային համակարգի յոթ հիմնական չափման միավորներից մեկը։

Սև ազդանշանի թարթումը տեղի է ունենում մոտավորապես վայրկյանում մեկ անգամ

Նշանակումները

• հայկականը՝ վ կամ վրկ
• միջազգայինը՝ s կամ sec (անգլերեն` second բառից)։

Անուն

Անվանումը առաջացել է արևմտահայերեն վայր, վայրիկ բառից, որը արևելահայերենում հետագայում ստացել է այլ` ժամանակի իմաստ։

Սահմանումը

1967 թ. կշիռների և չափերի XIII գլխավոր կոնֆերանսում ձևակերպվել է վայրկյանի հետևյալ սահմանումը՝

Վայրկյանը կայուն վիճակում գտնվող ¹³³Ցեզիումի ատոմի երկու գերբարակ մակարդակների միջև անցմանը համապատասխանող ճառագայթման 9 192 631 770 պարբերություններին հավասար ժամանակահատվածն է։

Հետաքրքիր փաստեր

• Մեկ վայրկյանի ընթացքում՝

• լույսը վակուումում անցնում է 299 792 458 մ,
• Երկիրն իր ուղեծրով Արեգակի շուրջ անցնում է 29 785.9 մ,
• կվարցի բյուրեղը, որով աշխատում է կվարցային ժամացույցը, կատարում է 32 768 տատանում։

Ատոմային Վ-ի հետ մեկտեղ,աստղագիտության մեջ,գեոդեզիայում և այլ բնագավառներում կիրառվևմ է աստղագիտական Վ.,որի չափը պայմանավորված է [Արեգակի] շուրջը [Երկրի] պտույտի պարբերությամբ և որոշվում է աստղագիտական դիտումների վրա։