Հայոց ցեղասպանության հուշարձան (Լառնակա)

հուշարձան Լառնակայում

Հայոց ցեղասպանության հուշարձան, հուշարձան Կիպրոսի Լառնակա քաղաքում։

Հայոց ցեղասպանության հուշարձան (Լառնակա)
Հայոց ցեղասպանության հուշարձան Լառնակայում
Քարտեզ
Քարտեզ
Տեսակհուշարձան
Երկիր Կիպրոս[1]
ԲնակավայրԼարնակա[1]
Շինության ձևՀուշարձան
Հիմնական թեմաՀայոց ցեղասպանություն
Ներկա վիճակԿանգուն
 Armenian Genocide memorial (Larnaca) Վիքիպահեստում
Անվան այլ կիրառումների համար տե՛ս՝ Հայոց ցեղասպանության հուշարձան (այլ կիրառումներ)

Պատմություն խմբագրել

Հուշարձանը տեղադրվել է 2008 թվականի մայիսի 28-ին՝ ի հիշատակ Հայոց ցեղասպանության զոհերի։ Հուշարձանը հանդիսանում է հայ ժողովրդի երախտապարտության արտահայտումը Կիպրոսի ժողովրդին՝ հյուրասիրության և աջակցության համար, որոնց համար Կիպրոսը դարձավ երկրորդ հայրենիք։ Հուշարձանը բազմաբովանդակ և աբստրակտ կոթող է՝ նման խաչի, վեր հառնող փյունիկի, ձեռքերը երկինք պարզած կնոջ։

Հուշարձանի բացման արարողությանը մասնակցել են Կիպրոսի Հանրապետության նախագահ Դեմետրիոս Կրիստոֆիասը, Հունաստանում Հայաստանի արտակարգ և լիազոր դեսպան Վահրամ Կաժոյանը[2][3]։

 

Տվյալներ խմբագրել

Հուշարձանը ստեղծվել է Հայաստանի և Կիպրոսի կառավարությունների համատեղ ծրագրի արդյունքում, որը նախաձեռնել է Կիպրոսի հայ համայնքի ղեկավար Պետրոս Քալաջյանը։ Հուշարձանի կառուցման ֆինանսավորումը ապահովել է Կիպրոսի կառավարությունը։ Հուշարձանի ճարտարապետները Անջելոս Դեմետրիուն և Մայքլ Թրասուն են, քանդակագործը` հույն Գեորգիոս Կալակալասը։ Հուշարձանը կառուցված է բրոնզից և շրջապատված է նռնենու և նոճու ծառերի շարքով։ 4 հուշատախտակներ փակցված են հուշարձանի պատվանդանի վրա, ևս 4-ը` համալիրի մուտքի երկու կողմերում։ Հենքի գրանիտե չորս հուշատախտակները, որոնք նկարագրում են հուշարձանը հունարենով, հայերենով, անգլերենով և թուրքերենով (սա միակն տեղն է, որ թուրքերենով գրված է "soykirim" - ցեղասպանություն), ստեղծվել են Հայաստանի կառավարության կողմից։ Հուշարձանի վրա մակագրված է.

  Այս հուշարձանը վեր է խոյանում այն վայրում, ուր 1915 թվականի ցեղասպանության կոտորածներից մազապուրծ հազարավոր հայեր առաջին անգամ ոտք դրեցին Կիպրոս։ Այն արտահայտում է հայ ազգի երախտագիտությունը Կիպրոսի ժողովրդին՝ իր բարեսրտության և օգնության համար։ Այս հուշարձանը հավերժացնում է Մեծ Եղեռնի անթիվ նահատակների հիշատակը։  

Ծանոթագրություններ խմբագրել