Հայկ Գաբրիելյան
Հայկ Բագրատի Գաբրիելյան (1925, Չինչին, Հայաստան), հայ մանկավարժ։ Հայրենական մեծ պատերազմի մասնակից։ ԽՄԿԿ անդամ (1944):
Հայկ Գաբրիելյան | |
---|---|
Ծնվել է | 1925 |
Ծննդավայր | Չինչին, Հայաստան |
Քաղաքացիություն | ԽՍՀՄ |
Կրթություն | Վ․ Բրյուսովի անվան պետական համալսարան |
Մասնագիտություն | մանկավարժ |
Կուսակցություն | ԽՄԿԿ |
Պարգևներ և մրցանակներ |
Կենսագրություն խմբագրել
Հայկ Գաբրիելյանը ծնվել է 1925 թվականին, Շամշադինի շրջանի Չինչին գյուղում։ 1942 թվականին ավարտել է Թբիլիսիի № 72 միջնակարգ դպրոցը և աշխատանքի անցել Շամշադինի շրջանի Ներքին Կարմիրաղբյուր գյուղի դպրոցում[1]։
1943 թվականին մեկնել է ռազմաճակատ։ Հայկի մարտական ուղին սկսվել է Վյազմա քաղաքից և հասել Արևելյան Պրուսիա, Քյոնիգսբերգ։ Երեք անգամ վիրավորվել է, բայց ամեն անգամ բուժվելուց հետո վերադարձել է ռազմաճակատ։ Գերմանաֆաշիստական զորքերի դեմ կռվել է 3-րդ Բելոռուսական ռազմաճակատում, 854-րդ հրաձգային հատուկ գնդում։ 1944 թվականի ամռանը գերմանական տանկը ոչնչացնելու համար Գաբրիելյանը պարգևատրվել է Կարմիր աստղի շքանշանով։ Այդ ժամանակ էլ ընդունվել է կոմունիստական կուսակցության շարքերը։ Վերջին անգամ ծանր վիրավորվել է և բուժվելուց հետո, 1945 թվականի հունիսին, վերադարձել է հայրենի գյուղը[1]։
Գաբրիելյանը ընդունվել և ավարտել է Երևանի ռուսական մանկավարժական ինստիտուտը, երկար տարիներ եղել է դպրոցի ուսմասվար, ռուսաց լեզու և գրականություն է դասավանդել Ներքին Կարմիրաղբյուրի դպրոցում՝ իր սաներին Հոկտեմբերի լեզուն լավ սովորեցնելու համար։ Սովորողների կոմունիստական դաստիարակության և ուսուցման բնագավառում ձեռք բերած հաջողությունների համար 1976 թվականին արժանացել է «Պատվո նշան» շքանշանի։ Պարգևատրվել է նաև մեդալներով ու պատվոգրերով[1]։
Պարգևներ խմբագրել
- Կարմիր աստղի շքանշան
- «Պատվո նշան» շքանշան