Հայաստանի Հանրապետության բանակի օր
Հայաստանի Հանրապետության զինված ուժերի օր (կամ Հայոց բանակի օր, հակիրճ՝ ՀՀ ԶՈՒ օր), Հայաստանի զինված ուժերի մասնագիտական տոն, որը նշվում է յուրաքանչյուր տարվա հունվարի 28-ին Հայաստանում[1][2]։
| Հայաստանի զինված ուժերի օր | |
|---|---|
 ՀՀ ԶՈՒ զինանշան | |
| Այլ կերպ | Հայոց բանակի օր |
| Տեսակ | Մասնագիտական տոն |
| Ամսաթիվ | Հունվարի 28 |
| Տոնվում է |  Հայաստան |
| Հաստատված | Հունվարի 6, 2001 թ. |
| Տոնում | Հունվարի 28 |
Պատմություն խմբագրել
Հայաստանի զինված ուժերի տոնը հաստատվել է 2001 թվականի հունվարի 6-ին Հայաստանի նախագահի ստորագրած «Հայաստանի Հանրապետության տոների և հիշատակի օրերի» մասին օրենքով։ 2002 թվականի նոյեմբերի 20-ին Հայաստանի Սահմանադրության մեջ լրացում է արվել՝ համաձայն որի հունվարի 28-ը սահմանվում է որպես ոչ աշխատանքային օր[1]։
Հայաստանի բանակի տոնը նշվում է հունվարի 28-ին, քանի որ 1992 թվականի նույն այդ օրը ընդունվեց «Հայաստանի Հանրապետության պաշտպանության վերաբերյալ» որոշումը[1]։
Տոնակատարության ընթացակարգ խմբագրել
Տոնի առթիվ ՀՀ բարձրագույն ղեկավարությունը և ՀՀ զինված ուժերի ղեկավար կազմը շնորհավորում են իրենց ենթականերին, իսկ առավել աչքի ընկած աշխատակիցները պարգևատրվում են տարբեր աստիճանի մեդալներով և խորհրդանշական իրերով։
Հունվարի 28-ի երեկոյան տոնի շրջանակներում Երևանի Ա. Սպենդիարյանի անվան օպերայի և բալետի ազգային ակադեմիական թատրոնի դահլիճում Հայաստանի Հանրապետության բարձրաստիճան պաշտոնյաների և ՀՀ զինված ուժերի ղեկավար կազմի համար կազմակերպվում է համերգ, որին հասարակությունը շատ մեծ ոգևորությամբ է ընդունում։ 2017 թվականին միջոցառումների շարքը համալրվել է հունվարի 29-ի առավոտյան Մայր Աթոռում և եկեղեցու բոլոր թեմերում պատարագի մատուցումը՝ կապված զինված ուժերի հետ[3]։
Տես նաև խմբագրել
Ծանոթագրություններ խմբագրել
- ↑ 1,0 1,1 1,2 Հունվարի 28-ը Հայոց բանակի օրն է
- ↑ Հունվարի 28-ը Հայոց բանակի օր. «Հայզինվոր.ամ»
- ↑ «Վիգեն Սարգսյանը ներկայացրեց հունվարի 28-ի միջոցառումները. «Երկիր մեդիա»». Արխիվացված է օրիգինալից 2017 թ․ օգոստոսի 14-ին. Վերցված է 2017 թ․ հուլիսի 22-ին.
|
Վիքիպահեստ նախագծում կարող եք այս նյութի վերաբերյալ հավելյալ պատկերազարդում գտնել Հայաստանի Հանրապետության բանակի օր կատեգորիայում։ |