«Համբավաբեր Ռուսիո», կիսամսյա պատկերազարդ լրագիր։ Լույս է տեսել 1861-64-ին, Մոսկվայում։ Խմբագիրներ՝ Մ. և Զ. Մսերյաններ։ Տպագրել է պաշտոնական տեղեկություններ, կառավարական հաղորդագրություններ, լուրեր, կրոնաեկեղեցական և բանասիրական հոդվածներ։ «Կիրակնօրյա զվարճալիք» խորագրի տակ տպագրել է կենցաղային, առօրեական հարցերին նվիրված երգիծական նյութեր։ Հայկական կյանքն արտացոլել է մակերեսորեն, ունեցել է շեշտված միապետական ուղղություն։ Արտատպումներ է կատարել ռուսական մամուլից։

Այս հոդվածի նախնական տարբերակը կամ նրա մասը վերցված է Հայկական համառոտ հանրագիտարանից, որի նյութերը թողարկված են՝ Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) թույլատրագրի ներքո։ CC-BY-SA-icon-80x15.png