Հականեխիչ միջոցներ

Հականեխիչ միջոցներ (շինարարության մեջ), փայտանյութի փտում առաջացնող սնկերը թունավորող նյութեր։ Բաժանվում են երկու խմբի՝ ջրում լուծվող և չլուծվող։ Ջրում լուծվող հականեխիչ միջոցներից են նատրիումի ֆտորիդը, նատրիումի սիլիցիում-ֆտորիդը, նատրիումի դինիտրոֆենոլատը։ Օգտագործվում են (ջրային լուծույթների ձևով) փայտե տարրերի մակերևույթների օծման կամ տոգորման համար։ Ջրում չլուծվող (ձիթանման) հականեխիչ միջոցներից լայն կիրառություն ունեն քարածխի և թերթաքարի ձեթերը, որոնք օգտագործվում են երկաթուղային կոճափայտերի, օդային էլեկտրահաղորդման հենարանների, փայտե կամուրջների համար։

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից  (հ․ 6, էջ 62)։