Հագիգադար

Սուրբ Խաչ կամ Հագիգադար (ռումիներեն՝ Mănăstirea Hagigadar «Ցանկությունների վանք»), հայ առաքելական վանք Ռումինիայի Սուչավա ժուդեցի Բուլայ (ro) գյուղում։ Գտնվում է E85 ավտոմայրուղու մոտ, Սուչավա քաղաքից դեպի հարավ 3 կմ հեռավորության վրա։

Հագիգադար ռումիներեն՝ Mănăstirea Hagigadar
Հագիգադարի Սուրբ Վերափոխման եկեղեցին
Հիմնական տվյալներ
Տեսակ	վանք
Երկիր	Ռումինիա
Տեղագրություն	գ. Բուլայ (ro), Ռումինիա
Թեմ	Ordinariate of Armenian Rite in Romania?
Հոգևոր կարգավիճակ	գործող
Հիմնական ամսաթվերը	1512
Ներկա վիճակ	վերանորոգված
Ժառանգության կարգավիճակ	Ռումինիայի ազգային պատմական հուշարձան
Առաջնորդ	Աստվածատուր Տոնավաճյան
Հիմնադրված	1512
Առաջին հիշատակում	1513
Hagigadar monastery Վիքիպահեստում

Պատմություն

Վանքի կառուցումն իրականացվել է 3 փուլերով՝ 1512-1513 թվականներին, 17-րդ դարի և 19-րդ դարերի երկրորդ կեսին։ Ավանդության համաձայն՝ վանքը կառուցվել է հաջող գործարք կատարած երկու գործարար եղբայրների կողմից՝ ի նշան երախտագիտության Սուրբ Աստվածածնին։ Կառուցելով վանքը բլրի գագաթին՝ նրանք այն անվանում են Հաճկատար («հաճոյից կատար»)։

Այնուհետև ասվում է, որ Դրագան Դանովակ անունով մի նախրապան Բոգդան Կույր իշխանի օրոք կառուցել է Հաճկատար հայկական վանքը։

Հրաշքներ գործող Աստվածամոր պատկերի մասին ավանդությունը մեծ թվով ուղղափառ և կաթոլիկ ուխտավորների բերում է «Ցանկություների եկեղեցի», որտեղ նրանք աղոթում են որևէ գործ ձեռնարկելուց կամ շինարարություն սկսելուց առաջ կամ հայցում են հիվանդությունների ապաքինում՝ ծնկաչոք բարձրանալով դեպի վանքը տանող բլուրը։

Ճարտարապետություն

Հագիգադարը մտնում է Սուչավա ժուդեցի պատմական հուշարձանների ցանկի մեջ և ըստ որի ստացել է SW-II-AA-05 504 կոդը։ Կրոնական համալիրը կազմված է երկու միավորներից՝

1. Սուրբ Վերափոխման եկեղեցի (ռումիներեն՝ Biserica "Adormirea Maicii Domnului"), կառուցված է 1512 թվականին, կոդը՝ SV-II-m-A-05504.01։
2. Համալիրի պարիսպները (ռումիներեն՝ Zidul de incintă), կառուցված է 1512 թվականին, կոդը՝ SV-II-m-A-05504.02։

Հետաքրքիր փաստեր

• 1997 թվականին ազգությամբ թաթար ռումինացի Կադրի Աբիբուլա ռեժիսորը «Հայկական վանքեր. Հագիգադար» ֆիլմ է նկարել Հագիգադար վանքի մասին։
• 2013 թվականին Հայփոստը և Ռումինիայի փոստը համատեղ ուժերով թողարկել են Հաճկատարի հիմնադրման 500-ամյակին նվիրված փոստային նամականիշ։

Տես նաև

• Հայկական տաճարների ցանկ
• Հայերը Ռումինիայում

Պատկերասրահ

• 
  Վանքի պարիսպները
• 
  Սուրբ Գրիգոր Լուսավորչի սրբապատկերը
• 
  Ճաշարան

Գրականություն

Մեդիա ֆայլեր

Վիքիպահեստ նախագծում կարող եք այս նյութի վերաբերյալ հավելյալ պատկերազարդում գտնել Հագիգադար կատեգորիայում։

• Dr. Zareh Baronian - "Biserici armene, monumente de artă, din Moldova". În "Biserica Ortodoxă Română" nr. 11-12/1969, pag. 1222-1235.
• E.I. Emandi, V. Cucu, M. Ceaușu - "Ghid de oraș. Suceava" (Ed. Sport Turism, București, 1989)