Կրման (Կիսկիմի գավառ)
Անվան այլ կիրառումների համար տե՛ս՝ Կրման (այլ կիրառումներ)
Կրման, գյուղ Արևմտյան Հայաստանում, Էրզրումի վիլայեթի Կիսկիմի գավառակում։ Գտնվում էր մի ապառաժոտ լեռան մոտ, Ճորոխի ձախ կողմում, Խոտորջուր վռակի ափին։ Կրմանը Խոտորջրի հայտնի յոթ թաղերից մեկն էր։ Այն այժմ ավերակ է։
| Գյուղ | |
|---|---|
| Կրման | |
| Վարչական տարածք | Արևմտյան Հայաստան |
| Վիլայեթ | Էրզրումի վիլայեթ |
| Գավառակ | Կիսկիմի գավառակ |
| Այլ անվանումներ | Կռման, Կրման-թաղ |
| Պաշտոնական լեզու | Հայերեն |
| Ազգային կազմ | Հայեր (մինչև Մեծ եղեռնը) |
| Կրոնական կազմ | Քրիստոնյա (մինչև Մեծ եղեռնը) |
| Ժամային գոտի | UTC+3 |
Պատմություն խմբագրել
1914 թվականին այստեղ կարճ ժամանակով հրատարակվել է «Աղավնի Տայոց» թերթը։
Բնակչությունը բռնությամբ տեղահանվել է 1915 թվականի Մեծ եղեռնի ժամանակ և զոհվել են աքսորի ճանապարհին։ Գյուղը հրկիզվել է և ավերվել։
Բնակչություն խմբագրել
1914 թվականին գյուղն ուներ 712 (90 ընտանիք) հայ բնակիչ։ Բնակչությունը խոսում էր իրենց առանձին բարբառով։
Տնտեսություն խմբագրել
Զբաղվում էին երկրագործությամբ, անասնապահությամբ և այգեգործությամբ։
Պատմամշակութային կառույցներ խմբագրել
Կրմանի Խոշորանց թաղում կար 1676 թվականին կառուցված եկեղեցի և մի կամուրջ։ Դեմուրճենց թաղում կար 1893 թվականին կառուցված եկեղեցի։ Գյուղի շրջակայքում կային բազմաթիվ ուխտատեղիներ, մի քանի ագարակներ և ամառանոցներ։
Վարչական բաժանում խմբագրել
Գյուղը բաժանված էր 2 մեծ և 4 փոքր թաղերի։ Գասպարյանց թաղում կային այգիներ ու պարտեզներ։
Կրթություն խմբագրել
Դեմուրճենց թաղում կար դպրոց[1]
Անվանի մարդիկ խմբագրել
Կրմանում է ծնվել հայագետ Հ. Տաշյանը (1866-1933)։
Տես նաև խմբագրել
Ծանոթագրություններ խմբագրել
- ↑ «Հայաստանի և հարակից շրջանների տեղանունների բառարան», հտ 3, էջ 255
Աղբյուրներ խմբագրել
- «Հայաստանի և հարակից շրջանների տեղանունների բառարան» (5 հատորով), 1986-2001 թթ., Երևանի Համալսարանի հրատարակչություն
Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից (հ․ 5, էջ 696)։ 
|