Կույրերի սպորտի միջազգային ֆեդերացիա
Կույրերի սպորտի միջազգային ֆեդերացիա (ԿՍՄՓ), շահույթ չհետապնդող կազմակերպություն, որը հիմնադրվել է 1981 թվականին Ֆրանսիայի մայրաքաղաք Փարիզում։ ԿՍՄՓ-ի առաքելությունն է խթանել կույր և թույլ տեսողություն ունեցող մարդկանց լիարժեք ինտեգրումը հասարակության մեջ սպորտի միջոցով և խրախուսել տեսողության խնդիրներ ունեցողներին զբաղվել սպորտով։ ԿՍՄՓ-ն Միջազգային պարալիմպիկ կոմիտեի (ՄՄԿ) լիիրավ անդամ է։
| Կույրերի սպորտի միջազգային ֆեդերացիա | |
|---|---|
| Տեսակ | ոչ առևտրային կազմակերպություն և Սպորտային միջազգային ֆեդերացիա |
| Երկիր |  Գերմանիա |
| Հիմնադրված | 1981 |
| Գլխադասային գրասենյակ | Բոնն, Քյոլնի վարչական շրջան, Հյուսիսային Հռենոս-Վեստֆալիա, Գերմանիա |
| Կայք | ibsasport.org |
ԿՍՄՓ-ն տեսողության խանգարում ունեցող մի քանի մարզաձևերի միջազգային ֆեդերացիա է՝ ներառելով պարաօլիմպիական երեք սպորտաձևերը (կույր ֆուտբոլ, գոլբոլ և ձյուդո), փաուերլիֆթինգ, տասը փին բոուլինգ, ինը պտույտ բոուլինգ, տորբոլ[1]։
ԿՍՄՓ-ի ցուցադրական միջոցառումը ԿՍՄՓ-ի աշխարհի առաջնությունն ու խաղերն են, որոնք անցկացվում են չորս տարին մեկ։ Առաջին խաղերը տեղի են ունեցել 1998 թվականին Իսպանիայի Մադրիդ քաղաքում, որին հաջորդել է 2003 թվականի իրադարձությունը Կանադայի Քվեբեկ Սիթիում, Քվեբեկում։ Խաղերի 3-րդ իրադարձությունն անցկացվել է 2007 թվականին Բրազիլիայի Սան Պաուլո քաղաքում, իսկ 2011 թվականի խաղերը՝ Թուրքիայի Անթալիա քաղաքում։
2015 թվականին՝ մայիսի 8-18-ը Հարավային Կորեայի Սեուլ քաղաքում անցկացվել է ԿՍՄՓ-իաշխարհի 5-րդ առաջնությունն ու խաղերը, որոնք ներառում էին մրցումներ փաուերլիֆթինգ, ձյուդո, գոլբոլ, ֆուտբոլ, շախմատ, տանդեմի հեծանվասպորտ, լող, շոուդաուն և աթլետիկա մարզաձևերում։
ԿՍՄՓ-ն նաև կազմակերպում է բազմաթիվ մարզաձևերի համաշխարհային և տարածաշրջանային առաջնություններ։ Տարածաշրջանային կամ մայրցամաքային առաջնությունները սովորաբար անցկացվում են կենտ տարիներին, իսկ աշխարհի առաջնությունները անցկացվում են յուրաքանչյուր չորս տարին մեկ, երբ պարաօլիմպիկ խաղեր չկան։
Իրադարձություններ խմբագրել
| Հրատարակություն | Տարի | Հյուրընկալող քաղաք | Ամսաթիվ |
|---|---|---|---|
| 1 | 1998 |  Իսպանիա, Մադրիդ |
18-26 հուլիս[2] |
| 2 | 2003 |  Կանադա, Քվեբեկ |
5-10 օգոստոս[3] |
| 3 | 2007 |  Բրազիլիա, Սան Պաուլու |
28 հուլիս-8 օգոստոս[4] |
| 4 | 2011 |  Թուրքիա, Անթալիա |
1-10 ապրիլ[5] |
| 5 | 2015 |  Հարավային Կորեա, Սեուլ |
8-18 մայիս |
| 6 | 2019 | [6] |
Ծանոթագրություններ խմբագրել
- ↑ «Sports». ibsasport.org. 2016 թ․ փետրվարի 15.
- ↑ «Madrid '98». IBSA. Արխիվացված է օրիգինալից 2012 թ․ հուլիսի 1-ին. Վերցված է 2012 թ․ օգոստոսի 13-ին.
- ↑ «II IBSA World Championships and Games» (PDF). IBSA. Արխիվացված է օրիգինալից (PDF) 2004 թ․ նոյեմբերի 22-ին. Վերցված է 2012 թ․ օգոստոսի 13-ին.
- ↑ «3rd IBSA World Championships and Games Brazil 2007». IBSA. Արխիվացված է օրիգինալից 2007 թ․ մայիսի 2-ին. Վերցված է 2012 թ․ օգոստոսի 13-ին.
- ↑ «IBSA World Championships and Games Antalya 2011». IBSA. Արխիվացված է օրիգինալից 2012 թ․ սեպտեմբերի 11-ին. Վերցված է 2012 թ․ օգոստոսի 13-ին.
- ↑ «Արխիվացված պատճենը». Արխիվացված է օրիգինալից 2018 թ․ սեպտեմբերի 15-ին. Վերցված է 2021 թ․ հուլիսի 30-ին.