Կորեայի ժողովրդագրության ազգային թանգարան

Կորեայի ժողովրդագրության ազգային թանգարան (հանգըլ՝ 국립민속박물관, հանջա՝ 國立民俗博物館), Հարավային Կորեայի ազգային թանգարանը, Սեուլի Ջոնգնոգու շրջանի Կյոնգբոկկունգ պալատում գտնվող երկու թանգարաններից մեկը։ Թանգարանի էքսպոզիցիան նվիրված է կորեական ժողովրդի կենցաղին՝ հնագույն ժամանակներից մինչև Չոսոնի ժամանակաշրջան։ Աշխարհի ամենաայցելվող գեղարվեստի թանգարանների քսանյակում է։

Կորեայի ժողովրդագրության ազգային թանգարան
Տեսակ	ազգային թանգարան
Երկիր	Հարավային Կորեա
Տեղագրություն	Ջոնգոգու
Հասցե	03045
Հիմնադրվել է	1924
Այցելուներ	2,705,814 (2013)
Կայք	nfm.go.kr

Ստեղծման պատմություն

Ստեղծվել է 1945 թվականի սեպտեմբերի 8-ին՝ ԱՄՆ կառավարության մասնակցությամբ․ բացվել է 1946 թվականի ապրիլի 25-ին «Մարդաբանության ազգային թանգարան» անվամբ։ Մինչ 1975 թվականը միատեղված է եղել Կորեայի ազգային թանգարանի հետ։

1975 թվականի ապրիլի 11-ին բացվել է Կյոնգբոկկունգ պալատի տարածքում նախկինում գործող Ժամանակակից արվեստի թանգարանի վայրում՝ «Կորեայի ազգային ժողովրդագրության թանգարան» անվամբ։ 1993 թվականի փետրվարի 17-ին տեղափոխվել է Ազգային թանգարանի նախկին շենք։

Էքսպոզիցիա և այցելություն

Թանգարանի էքսպոզիցիան ներկայացված է երեք հիմնական ուղղություններով՝ Կորեական ժողովրդի պատմություն, Կորեական կենցաղ և Չոսոնի ժամանակաշրջանի կորեացիների կյանքի ցիկլ։ Բացի այդ, էքսպոզիցիայի մեծ մասը ցուցադրված է բաց երկնքի տակ, պալատի տարածքում։

Թանգարանը տեղակայված է Սեուլի հյուսիսային Ջոնգնոգու շրջանում։ Թանգարանի մուտքն անվճար է։

Պատկերասրահ

• 

  Ավանդական տան ներքին կահավորանք

• 

  Հանբոկ

• 

  Չոսոն ժամանակաշրջան նկար

• 

  Ազգային հագուստով ծերունի

Արտաքին հղումներ

• http://www.nfm.go.kr Կորեայի ժողովրդագրության ազգային թանգարան. պաշտոնական կայք (անգլ.) (գերմ.) (իսպ.) (ֆր.) (կոր.) (ճապոներեն) (չին.)

Մեդիա ֆայլեր

Վիքիպահեստ նախագծում կարող եք այս նյութի վերաբերյալ հավելյալ պատկերազարդում գտնել Կորեայի ժողովրդագրության ազգային թանգարան կատեգորիայում։