Կլարա Ցետկինի մեդալ
Կլարա Ցետկինի մեդալ (գերմ.՝ Clara-Zetkin-Medaille), Գերմանիայի Դեմոկրատական Հանրապետության պետական պարգև, որը սահմանվել է 1954 թվականի փետրվարի 18-ին երկրի նախարարների խորհրդի կողմից։
Կլարա Ցետկինի մեդալ | |
---|---|
Տեսակ | մեդալ |
Երկիր | Արևելյան Գերմանիա |
Հիմնադրվել է | փետրվարի 18, 1954 |
Հիմնադիր | Council of Ministers of the GDR? |
Պարգևադրող | Council of Ministers of the GDR? |
Անվանված է | Կլարա Ցետկին |
Պատմություն
խմբագրելՄեդալը ստեղծվել է Գերմանիայի գերմանացի մարքսիստ, ակտիվիստ, Գերմանիայի կոմունիստական կուսակցության (ԳԿԿ) հիմնադիրներից, կանանց իրավունքների պաշտպան Կլարա Ցետկինի հիշատակը հավերժացնելու համար։
Մեդալը շնորհվել է այն կանանց և կանանց աշխատանքային կոլեկտիվներին, որոնք երկրի սոցիալիստական հասարակության զարգացման նվաճումների, խաղաղության, մայրության և սեռերի միջև հավասարության համար պայքարում ունեցել են հաջողություն։ Մեդալով պարգևատրված կանայք պետք է վառ օրինակ տային, թե ինչպիսին է «սոցիալիստական հասարակության կինը»։
Մեդալը նույն անձին շնորհվում էր միայն մեկ անգամ[1][2]։ Մինչև 1964 թվականը շքանշան ստացողները պարգևատրվում են նաև տարեկան 300 մարկ թոշակով։ Հետագայում նրանք միանվագ ստացել են 2500 մարկ, իսկ կոլեկտիվներին պարգևատրելիս՝ յուրաքանչյուր անդամի համար 500 մարկ։ Ստացողների թիվը եղել է սահմանափակ․ մինչև 1977 թվականը տարեկան տրվել է 80 մրցանակ, 1978-1985 թվականներին՝ 120 մրցանակ, 1986 թվականից՝ 150 մրցանակ։ Մինչև 10 կին ընդգրկող կոլեկտիվների անդամներին պարգևատրելիս նրանցից յուրաքանչյուրը ստացել է մեդալ։ Մրցանակաբաշխությունը տեղի է ունեցել ամեն տարի Կանանց միջազգային օրը՝ մարտի 8-ին։
Մեդալի արտաքին տեսք և կրելու ոճ
խմբագրել1954-1958 թվականներին մեդալը հատվել է արծաթից և ունեցել է 36 մմ տրամագիծ։ Մեդալի դիմերեսին պատկերված է եղել Կլարա Ցետկինի դեմքը՝ շրջապատված դափնու երկու տերևով։ Մեդալի դարձերեսին եղել գրառում՝ գերմ.՝ FÜR / FRIEDEN, EINHEIT / DEMOKRATIE UND / AUFBAU («Հանուն խաղաղության, միասնության, ժողովրդավարության և վերածննդի»«Հանուն խաղաղության, միասնության, ժողովրդավարության և վերածննդի»)։ 1959 թվականից մինչև 1972 թվականը մեդալը մնաց նույնը, միայն փոփոխվել է մեդալի դարձերեսի մակագրությունը՝ գերմ.՝ FÜR / FRIEDEN / UND / SOZIALISMUS («Հանուն խաղաղության և սոցիալիզմի»)։ 1973-1977 թվականներին Կլարա Ցետկինի մեդալը պատրաստվել է արծաթապատ մետաղից։ 1978 թվականից հատված մեդալի տրամագիծը եղել է 35 մմ, իսկ հակառակ կողմում կարգախոսի փոխարեն հայտնվել է ԳԴՀ զինանշանը։
Մեդալը կրել են ձախ կրծքավանդակի վերին մասում՝ 35 մմ լայնությամբ և 18 մմ երկարությամբ կապույտ ժապավենի վրա, մեջտեղից կտրված 5 մմ կապույտ կտորով։
Ծանոթագրություններ
խմբագրելԱրտաքին հղումներ
խմբագրելՎիքիպահեստն ունի նյութեր, որոնք վերաբերում են «Կլարա Ցետկինի մեդալ» հոդվածին։ |