Կինոտեխնիկա
| Տեղեկությունը այս հոդվածում կամ նրա որոշ բաժիններում հնացել է: Դուք կարող եք օգնել նախագծին՝ թարմացնելով այն և դրանից հետո հեռացնել կաղապարը: |
Կինոտեխնիկա, տեխնիկայի բնագավառ, կազմավորվել է կինոնկարների արտադրության, բազմացման և ցուցադրման զարգացման շնորհիվ։ Կինոտեխնիկան օգտագործում է լուսանկարչությունը, օպտիկան, մեխանիկան, լուսատեխնիկան, էլեկտրոնիկան և այլն։
Կիրառում Խմբագրել
Լայնորեն կիրառվում է գեղարվեստական խաղարկային և վավերագրական կինեմատոգրաֆիայում, գիտական հետազոտությունների, ինֆորմացիայի պահպանման, ուսուցման, հրահանգման և սիրողական նպատակների համար։ Հիմնական գործընթացը կինոժապավենի վրա նկարահանման օբյեկտի շարժման կամ վիճակի հաջորդական փուլերի պատկերումն է և, կինոպրոյեկցիոն էկրանի վրա, որոշակի արագությամբ այդ փուլերի վերարտադրումը։ Կինոտեխնիկան կինոարվեստի տեխնիկական բազան է։
Հայտնագործում Խմբագրել
Կինեմատոգրաֆի հայտնագործումից հետո (1895) կինոտեխնիկայի հիմնական տեխնիկական միջոցներն են՝
- կինոնկարահանման ապարատը,
- կինոպրոյեկցիոն ապարատը և
- կինոժապավենը։
Կինեմատոգրաֆիայի զարգացման գործընթացում ստեղծվեցին հայտածման մեքենաները, կինոպատճենահան ապարատները, լուսավորման սարքավորումը և այլն։
Կինոտեխնիկայի զարգացման փուլեր Խմբագրել
Կինոտեխնիկայի զարգացման փուլերն են՝ համր, հնչուն, ցերեկային, գունավոր, լայնէկրան, պանորամային, լայնֆորմատ կինոն և ստերեոկինոն։ Համր կինոն կինեմատոգրաֆի գոյության առաջին 30 տարիների անվանումն է, երբ կինոտեխնիկայի մակարդակը դեռևս հնարավորություն չէր տալիս թողարկել հնչուն կինոնկարներ։ Գունավոր կինոն գունավոր կինոնկարների արտադրությունն ու ցուցադրումն է, առաջացել է կինեմատոգրաֆի ստեղծման հետ միաժամանակ։
Լայնֆորմատ կինո Խմբագրել
Լայնֆորմատ կինոն կինեմատոգրաֆիայի տեսակ է, որը կինոնկարների նկարահանման և ցուցադրման համար օգտագործում է լայն (50, 55, 65, 70 մմ) ժապավեններ։ Կինոտեխնիկան անընդհատ կատարելագործվում է, լավանում է պատկերի և ձայնի որակը, ընդլայնվում են կինոցուցադրման արտահայտիչ հնարավորությունները, ստեղծվում ավելի լուսազգայուն կինոժապավեններ։
Տես նաև Խմբագրել
Գրականություն Խմբագրել
- И. Б. Гордийчук, В. Г. Пелль Справочник кинооператора / Н. Н. Жердецкая. — М.,: «Искусство», 1979. — 440 с.
- Б. Коноплёв «Основы фильмопроизводства». — 2-е изд. — М.: «Искусство», 1975. — 448 с.
- Е. А. Иофис Глава I. Общие сведения о киноплёнках и фотографических процессах // «Кинофотопроцессы и материалы». — 2-е изд. — М.: «Искусство», 1980. — С. 28-37. — 239 с.
- С. А. Саломатин, И. Б. Артишевская, О. Ф. Гребенников 1. Профессиональная киносъёмочная аппаратура и тенденции её развития в СССР // Профессиональная киносъёмочная аппаратура. — 1-е изд.. — Л.: Машиностроение, 1990. — С. 4-36. — 288 с. — ISBN 5-217-00900-4
- The Kendrick Academy
Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից (հ․ 5, էջ 438)։ 
|