Կառլոս Անթառամյան
Կառլոս Էդուարդոյի Անթառամյան (1972, Մեխիկո, Մեքսիկայի Միացյալ Նահանգներ), մարդաբան։ Զբաղվում է Մեքսիկայի հայկական գաղթավայրի պատմության և հայությանը վերաբերող թեմաների հետազոտմամբ։
| Կառլոս Էդուարդոյի Անթառամյան Carlos Antaramian | |
|---|---|
 | |
| Ծնվել է | 1972 |
| Ծննդավայր | Մեխիկո |
| Քաղաքացիություն |  Մեքսիկա |
| Ազգություն | մեքսիկահայ |
| Մասնագիտություն | մարդաբան |
| Ծնողներ | Էդուարդո Անթառամյան |
Կենսագրություն
խմբագրելԿառլոս Անթառամյանը ծնվել է Մեխիկոյում՝ Էդուարդո Անթառամյանի և իսպանա-հնդկացիական ծագումով մեքսիկուհու ընտանիքում։ Հայրական մեծ մայրը՝ Վիկտորյան ծնվել է Պոլսում, պապը՝ Կարապետը, ով Մեծ եղեռնի վերապրածներից է, Խարբերդի Խոշի գյուղում։
Ավարտել է Մեխիկոյի Ազգային համալսարանի միջազգային հարաբերությունների բաժինը և Մորելիայում (Միչոական) ուսանել է սոցիալական մարդաբանություն։ Թեկնածուական թեզը վերաբերել է Հայոց ցեղասպանությանը։ Ոգեկոչման արարողություններ է նկարահանել Փարիզում, Մոնտեվիդեոյում, Բուենոս Այրեսում, Ստամբուլում, Երևանում։ Իր աշխատությամբ ցույց է տալիս և վերլուծում ապրիլքսանչորսյան առաջին ոգեկոչումից (Կոստանդնուպոլիս, 1919) մինչ օրս կատարվող հիշատակի հանդեսների միջև առկա ընդհանրություններն ու տարբերությունները[1]։ Նկարահանել է Մեքսիկայում հայերի ներկայության պատմությանն առնչվող փաստագրական ֆիլմ ( “Los armenios en México: historia y actualidad”)[2]։ Մեխիկոյում ինկվիզիցիայի արխիվներում հայտնաբերել է 1632 թվականին հայազգի Ֆրանսիսկո Մարտինի մեղքերի համար թողություն ստանալու գրված հայերեն փաստաթուղթը, Դոն Պեդրո դե Սառատեի մասին փաստաթուղթ։
Մեխիկոյում հիմնադրել է «Այբբենգիմ» հրատարակչությունը, որտեղ հրատարակվել է Մեքսիկայի հայերին վերաբերող «Արարատից Պոպոկատեպետլ» (2011) գիրքը և Համբարձում Չիթճյանի հուշերի իսպաներեն թարգմանությունը, որը Մեքսիկայում հրատարակված առաջին գիրքն է, որ վերաբերում է Հայոց ցեղասպանությանը[3]։
2016 թվականին Երևանի Նորարար փորձառական արվեստի կենտրոնում Կառլոս Անթառամյանի նախաձեռնությամբ բացվել է «Մեքսիկայի հայերը» խորագիրը կրող ցուցահանդեսը[4][5]։
Ծանոթագրություններ
խմբագրել- ↑ “Los armenios en México: pasado y presente”-conferencia del Dr. Carlos Antaramian
- ↑ Los armenios en La Merced (ciudad de México)
- ↑ «Կառլոս Անթառամյան. «Մեքսիկահայերս միշտ եղել ենք քիչ, սակայն՝ ներկայանալի»». Արխիվացված է օրիգինալից 2019 թ․ ապրիլի 7-ին. Վերցված է 2015 թ․ հունիսի 23-ին.
- ↑ ««Ես մտածում եմ` կգնա՞մ, կվերադարձնե՞մ պապիս տունը, կապրե՞մ այնտեղ»». www.irates.am. Վերցված է 2016 թ․ հուլիսի 21-ին.
- ↑ «ՆՓԱԿ - Մեքսիկայի հայերը». www.accea.info (անգլերեն). Վերցված է 2020 թ․ մարտի 26-ին.