Կապուցինների բուլվարը
«Կապուցինների բուլվարը» (ֆր.՝ Le Boulevard des Capucines), ֆրանսիացի նկարիչ Կլոդ Մոնեի կտավը, որն ստեղծվել է 1873 թվականին։ Նկարում պատկերված է Փարիզի Կապուցիների բուլվարը։
 | |
|---|---|
 | |
| տեսակ | գեղանկար |
| նկարիչ | Կլոդ Մոնե |
| տարի | 1873 |
| բարձրություն | 60 սանտիմետր |
| լայնություն | 80 սանտիմետր |
| ուղղություն | իմպրեսիոնիզմ |
| ժանր | քաղաքային բնանկար |
| նյութ | յուղաներկ և կտավ |
| գտնվում է | Պուշկինի անվան Կերպարվեստի թանգարան |
| հավաքածու | Պուշկինի անվան Կերպարվեստի թանգարան |
| սեփականատեր | Իվան Մորոզով |
պատկերված են
| |
Ծանոթագրություններ | |
Պատմություն խմբագրել
Նկարն ստեղծվել է Դոնու փողոցի (rue Daunou) և Կապուցինների բուլվարի անկյունում գտնվող Նադարի լուսանկարչական ստուդիայի («Anciens Salons Nadar») պատշգամբից[1]։ Նկարչի համար դա հիանալի հնարավորություն էր՝ վերևից տեսնել աշխույժ բուլվարը՝ բազմաթիվ անցորդներով, որոնց նա պատկերել է որպես նուրբ գրաֆիկական ֆիգուրներ[2]
1873 թվականին Մոնեն նկարել է երկու «Կապուցինների բուլվարը»՝ ուղղահայաց և հորիզոնական։ Առաջին նկարը (ֆր.՝ Boulevard des Capucines) ներկայում գտնվում է Կանզաս Սիթիի (ԱՄՆ) Նելսոն-Ատկինսի թանգարանում (Nelson-Atkins Museum of Art)[3]։ Երկրորդ (հորիզոնական) նկարը, որի մասին խոսվում է հոդվածում, 1874 թվականին գնել է Ժան-Բատիստ Ֆորը։ 1907 թվականին այն ձեռք է բերել ռուս վաճառական և կոլեկցիոներ Իվան Մորոզովը, որի հավաքածուում այն գտնվել է մինչև 1918 թվականը, իսկ հեղափոխությունից հետո ազգայնացվել է։ Ներկայումս գտնվում է Ալեքսանդր Պուշկինի անվան պետական թանգարանի հավաքածուում[4]։
Երկու կտավներն էլ ցուցադրվել են 1974 թվականի ապրիլի 15-ից մայիսի 15-ն ընկած ժամանակահատվածում Փարիզում իմպրեսիոնիստների առաջին ցուցահանդեսում։ Հարկ է նշել, որ ռուսական արվեստագիտության մեջ հաճախ հանդիպող «Կապուցինների բուլվար» անվանումը չի համապատասխանում նշված երկու նկարներից ոչ մեկին և չի հանդիպում այն ժամանակվա մամուլում։
Ծանոթագրություններ խմբագրել
- ↑ Sophie Monneret. L'Impressionnisme et son époque: Noms propres A à T, vol. 2, t. 1, Paris, Robert Laffont, 1987. — p. 554.
- ↑ Sophie Monneret. L'Impressionnisme et son époque: Noms propres A à T, vol. 2, t. 1, Paris, Robert Laffont, 1987. — p. 555.
- ↑ Daniel Wildenstein. Monet, catalogue raisonné, vol. IV, t. 2, Lausanne, Taschen, 1996. — p. 125.
- ↑ Картина в коллекции ГМИИ имени А. С. Пушкина