Կապույտ գլխարկը
Կապույտ գլխարկը, Ուկրաինայի մշակույթի և արվեստի նախարարության պատվերով 1998 թվականին նկարահանված ուկրաինական անիմացիոն ֆիլմ՝ ըստ շոտլանդական հեքիաթների մոտիվների, ռեժիսորը Նատալյա Չերնիշևան է։
 | |
|---|---|
| Տեսակ | մուլտֆիլմ |
| Ռեժիսոր | Natalia Chernyshova? |
| Հնչյունավորում | Բոգդան Բենյուկ |
| Երաժշտություն | Վադիմ Խրապաչև |
| Երկիր |  Ուկրաինա |
| Լեզու | ուկրաիներեն |
| Ընկերություն | Ուկրանիմաֆիլմ |
| Տևողություն | 599 s |
| Թվական | 1998 |
Ֆիլմի պրեմիերան կայացել է «ԿՐՈԿ» անիմացիոն ֆիլմերի միջազգային փառատոնի շրջանակներում[1]։
Սյուժե
խմբագրելՁկնորսության համար անհաջող մի օր ձկնորսը գնում է անտառ՝ նոր նավակի համար ծառ կտրելու։ Սակայն, այստեղ էլ նրա բախտը չի բերում. նա հազիվ կարողանում է փախչել սոված գայլերից. ծառը, որի վրա նա բարձրանում էր, ծանրությունից ընկնում է և ջախջախում գիշատիչներին։
Մութ անտառից և գիշերային ամպրոպից նա ապաստան է գտնում մի տան մեջ՝ երեք տարօրինակ տարեց կանանց հետ։ Հենց նրանց թվում է, թե տղամարդը քնել է, նրանք դնում են իրենց կապույտ գլխարկները, կախակարդական բառեր են ասում և անհետանում։ Տղամարդը որոշում է կրկնել ծեր կանանց գործողությունները և հայտնվում է գինու նկուղում։ Այստեղ նա որոշում է զվարճանալ։ Զվարճանքը տևում է այնքան ժամանակ, մինչև տանտերը` եպիսկոպոսը, հասնում է նկուղ. նա զայրացած էր գյուղացու չտեսնված լկտիությունից և հրամայում է գողերին մահապատժի ենթարկել` խարույկի վրա վառելով։
Սյունին կապված լինելով` տղամարդը խնդրում է իր վերջին ցանկությունը` իր սիրած կապույտ գլխարկով գնալ այն աշխարհ։ Խնդրանքը կատարվում է, և տղամարդն իսկույն արտաբերում է կախարդական բառերն ու հայտնվում իր հարազատ վայրում։
Եվ սյունից, ամենայն հավանականությամբ, կստացվի նոր նավակը...
Մուլտֆիլմի մասին
խմբագրելԻր նախորդ աշխատանքների նմանությամբ` Նատալյա Չերնիշևան այս ֆիլմում հանդես է եկել որպես ռեժիսոր, բեմադրիչ և բեմադրող նկարիչ[1]։
|
Ֆիլմը նկարահանվել է շոտլանդական հեքիաթների հիման վրա՝ այս հեքիաթների առանձնահատկությամբ և Նատալյա Չեռնիշևայի հումորով։
Բարի, ուրախ և զվարճալի ֆիլմ է։ Տխուր է միայն այն պատճառով, որ մեր կյանքում պրեմիերաներն իրադարձություն են դառնում ոչ թե ստեղծագործ գաղափարների տաղանդավոր մարմնավորման պատճառով, այլ` նրանց անհավանական հազվադեպության պատճառով։ - Սվետլանա Կորոտկովան «Հայելի շաբաթվա» մեջ, 1999 թվականի հունվարի 10[1]
|
|
Ծանոթագրություններ
խմբագրել- ↑ 1,0 1,1 1,2 Светлана КОРОТКОВА (10 января 1999). «Рождественская премьера «Укранимафильма»» (ռուսերեն). Зеркало недели. Արխիվացված է օրիգինալից 2016 թ․ մարտի 8-ին. Վերցված է 2016 թ․ մարտի 7-ին.