Կաղապար:Օրվա հոդված/Ապրիլի 22, 2014 թ.
![Մեծ Եղեռնի զոհերի հուշահամալիր](http://upload.wikimedia.org/wikipedia/commons/thumb/b/bd/%D5%80%D5%B8%D6%82%D5%B7%D5%A1%D5%B0%D5%A1%D5%B4%D5%A1%D5%AC%D5%AB%D6%80%60_%D5%84%D5%A5%D5%AE_%D5%A5%D5%B2%D5%A5%D5%BC%D5%B6%D5%AB_%D5%A6%D5%B8%D5%B0%D5%A5%D6%80%D5%AB%D5%B6_%281%29.jpg/170px-%D5%80%D5%B8%D6%82%D5%B7%D5%A1%D5%B0%D5%A1%D5%B4%D5%A1%D5%AC%D5%AB%D6%80%60_%D5%84%D5%A5%D5%AE_%D5%A5%D5%B2%D5%A5%D5%BC%D5%B6%D5%AB_%D5%A6%D5%B8%D5%B0%D5%A5%D6%80%D5%AB%D5%B6_%281%29.jpg)
Երևանի ցույցեր տեղի են ունեցել 1965 թվականի ապրիլի 24-ին, Հայոց Ցեղասպանության 50-ամյակի օրերին, ԽՍՀՄ-ում նմանատիպ առաջին ընդվզումն էր։ Արդյունքում հայոց նորագույն պատմությունը շրջադարձ ապրեց, ազգի մեծագույն ողբերգությունը վերջապես դադարեց լինել արգելված հարց։
1894-1896, 1909, 1915-1923 թվականներին գործադրվեց մարդկայնության դեմ երբևէ իրականացված մեծագույն հանցագործություններից մեկը՝ Հայերի Ցեղասպանությունը: Ցեղասպանության հետևանքով հայությունը զրկվեց իր բնօրրանի՝ հայրենիքի հիմնական տարածքներից և սփռվեց աշխարհով մեկ՝ զրկվելով զարգացման ու առաջընթացի բնական իրավունքից: 1920 թվականի ապրիլի 3-ին, երբ հայ ժողովուրդը վերականգնել էր իր անկախությունը, Վրթանես Փափազյանը առաջարկով դիմեց հանրապետության պառլամենտին, նախարարների խորհրդին, Ամենայն Հայոց կաթողիկոս Գևորգ Ե Սուրենյանցին, որպեսզի պետականորեն նշվեն Եղեռնի զոհերի հիշատակի օրերը՝ ապրիլի 24-ը, 25-ը, 26-ը որպես ազգային սգո օրեր:
Խորհրդային տարիներին մոռացումի, ժխտողականության տարիներ էին շարունակել...