Կալյու Սուուր
Կալյու Սուուր[1] (փետրվարի 18, 1928, Տալլին, Էստոնիա - նոյեմբերի 13, 2013, Էստոնիա[2]), հայտնի էստոնացի լուսանկարիչ։ Տալլինի լուսանկարչական ակումբի և STODOM խմբի հիմնադիրներից մեկը (1964)։ 25 ֆոտոալբոմների[2], բազմաթիվ ֆոտոռեպորտաժների և լուսանկարների, դիմանկարների հեղինակ։
| Կալյու Սուուր էստ․՝ Kalju Suur | |
|---|---|
 | |
| Ծնվել է | փետրվարի 18, 1928 |
| Ծննդավայր | Տալլին, Էստոնիա |
| Մահացել է | նոյեմբերի 13, 2013 (85 տարեկան) |
| Մահվան վայր | Էստոնիա |
| Գերեզման | Անտառային գերեզմանատուն |
| Քաղաքացիություն |  Էստոնիա և  ԽՍՀՄ |
| Մասնագիտություն | լուսանկարիչ |
| Պարգևներ և մրցանակներ |  |
 Kalju Suur Վիքիպահեստում | |
Կենսագրություն խմբագրել
Կալյու Սուուրը ծնվել է Տալլինում 1928 թվականի փետրվարի 18-ին։ 25 տարի կարգավորիչ-բրիգադավար է աշխատել «Մարատ» տրիկոտաժի գործարանում։ Զինվորական ծառայության ընթացքում ձեռք է բերել իր առաջին տեսախցիկը։ 1964 թվականին Տալլինֆիլմ կինոստուդիայում իր ընկերների հետ միասին ստեղծել է STODOM խումբը, որը կոչվել է ստեղծողների ազգանունների առաջին տառերով[3]։ Նա համախմբել է այդ ժամանակի ամենագործուն, տաղանդավոր և եռանդուն էստոնացի լուսանկարիչներին, որոնք շատ էին աշխատում՝ ստանալով համամիութենական և միջազգային ճանաչում[4]։
1978 թվականից ազատ նկարիչ էր։ 1981 թվականից մինչև 1994 թվականը «Մուրճ ու մանգաղ» թերթում (Sirp ja Vasar) աշխատել է որպես լուսանկարիչ։ 1995 թվականին Սուուրը հիմնել է Suurkalju հրատարակությունը, որտեղ հրապարակել է իր ալբոմները[1]։
Հետաքրքիր փաստեր խմբագրել
Կալյու Սուուրը ավելի քան 150 միջազգային ցուցահանդեսների, ինչպես նաև 15 երկրներում 104 անհատական ցուցահանդեսների մասնակից է[2]։ Նրա մեծ թվով լուսանկարներ տպագրվել են «Կրոկոդիլ» հանդեսում և «Լիտերատուրնայա գազետա» պարբերականում։
Մրցանակներ և պարգևներ խմբագրել
- 1978 թվական՝ Լուսանկարչական արվեստի միջազգային ֆեդերացիայի (AFIAP) լուսանկարչի կոչում։
- 1987 թվական՝ դարձել է «Օգոնյոկ» ամսագրի մրցանակի դափնեկիր[1]։
- 1999 թվական՝ Kultuurkapital մրցանակի դափնեկիր ամբողջ կյանքի աշխատանքի համար։
- 2001 թվական՝ Սպիտակ աստղի շքանշան, IV աստիճան։
- 2007 թվական՝ ազգային մշակույթի հիմնադրամի մրցանակի դափնեկիր ամբողջ կյանքի աշխատանքի համար[2]։
Ծանոթագրություններ խմբագրել
- ↑ 1,0 1,1 1,2 «Фотовыставка эстонского фотографа Калью Суур». Արխիվացված է օրիգինալից 2017 թ․ հունիսի 30-ին. Վերցված է 2020 թ․ մարտի 22-ին.
- ↑ 2,0 2,1 2,2 2,3 «Скончался известный фотограф Калью Суур». Արխիվացված է օրիգինալից 2013 թ․ նոյեմբերի 13-ին. Վերցված է 2020 թ․ մարտի 22-ին.
- ↑ «Калью Суур. Легенда Ратушной площади». Արխիվացված է օրիգինալից 2015 թ․ հունիսի 10-ին. Վերցված է 2013 թ․ նոյեմբերի 14-ին.
- ↑ «Гость из Прибалтики». Արխիվացված է օրիգինալից 2015 թ․ հունիսի 10-ին. Վերցված է 2013 թ․ նոյեմբերի 14-ին.
 | Վիքիպահեստն ունի նյութեր, որոնք վերաբերում են «Կալյու Սուուր» հոդվածին։ |