Ծակտար

Ծակտար, գյուղ Արևմտյան Հայաստանում, Վանի վիլայեթի Թիմարի գավառում։ Գտնվում էր Վան քաղաքից 15 կմ հյուսիս-արևմուտք, լճափից 5-6 կմ արևելք, Մարմետ (Կարասու) գետի ձախ ափին։

Գյուղ
Ծակտար
Վարչական տարածք	Արևմտյան Հայաստան
Վիլայեթ	Վանի վիլայեթՎանի վիլայեթ
Գավառ	Թիմարի գավառ
Այլ անվանումներ	Զակթար, Ծակդար, Ծակթոր, Ծայթոր, Ձակ տար, Ցակտոր, Ցայտոր
Պաշտոնական լեզու	Հայերեն
Ազգային կազմ	Հայեր (մինչև Մեծ եղեռնը)
Կրոնական կազմ	Քրիստոնյա (մինչև Մեծ եղեռնը)
Ժամային գոտի	UTC+3
Ծակտար (Աշխարհ)

Պատմություն

1895 թվականի կոտորածների ժամանակ կողոպտվել և այրվել է գյուղի եկեղեցին։ Գյուղի բնակիչները մասնակցել են ինքնապաշտպանական կռիվներին։ Բնակիչները բռնությամբ տեղահանվել են 1915 թվականի Մեծ եղեռնի ժամանակ։ Նրանց մեծ մասը զոհվել է բռնագաղթի ճանապարհին։

Բնակչություն

1909 թվականին ուներ 40 տուն հայ բնակիչ։

Տնտեսություն

Զբաղվում էին երկրագործությամբ և անասնապահությամբ։

Պատմամշակութային կառույցներ

Ծակտարն ուներ Ս. Գևորգ անունով եկեղեցի։

Տես նաև

• Վանի նահանգի հայաբնակ բնակավայրեր

Աղբյուրներ

• «Հայաստանի և հարակից շրջանների տեղանունների բառարան» (5 հատորով), 1986-2001 թթ., Երևանի Համալսարանի հրատարակչություն
• Արեւմտահայաստանի եւ Արեւմտահայութեան Հարցերու Ուսումնասիրութեան Կեդրոն

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից  (հ․ 5, էջ 107)։