Լորենցի ուժ

Լորենցի ուժը էլեկտրամագնիսական դաշտում շարժվող լիցքավորված մասնիկի վրա ազդող ${\vec {F}}$ ուժն է ։ Այդ ուժի բանաձևը, որը ստացել է Հենդրիկ Լորենցը՝ իբրև փորձի ընդհանրացման արդյունք, ունի հետևյալ տեսքը. ${\vec {F}}=e{\vec {E}}+{\frac {e}{c}}[{\vec {v}}{\vec {B}}]$ , որտեղ $e$-ն մասնիկի լիցքն է, ${\vec {E}}$-ն էլեկտրական դաշտի լարվածությունը, ${\vec {B}}$-ն՝ մագնիսական ինդուկցիան, <math\>\vec v</math>-ն՝ մասնիկի արագությունը նշված մեծությունների հաշվարկման իներցիալ համակարգի նկատմամբ, իսկ $c$-ն՝ լույսի արագությունը վակուումում (բոլորն էլ CGS համակարգի միավորներով)։

Բանաձևից երևում է, որ Լորենցի ուժի էլեկտրական մասը կախված չէ ${\vec {v}}$-ից և ուղղված է էլեկտրական դաշտի ուղղությամբ կամ դրան հակառակ (լիցքի նշանից կախված), իսկ մագնիսական մասը կախված է ${\vec {v}}$-ից և ուղղահայաց է ${\vec {v}}$ և ${\vec {B}}$ վեկտորներին ուղղահայաց։

Հավասարումը SI համակարգում

Շարժման ժամանակ (v արագությամբ) լիցքավորված մասնիկի (q լիցքի) վրա ազդող Լորենցի F ուժը։ E եւ B դաշտերը փոխվում են տարածության եւ ժամանակի մեջ։

Արտաքին էլեկտրական E և մագնիսական B դաշտերում v արագությամբ շարժվող q էլեկտրական լիցք ունեցող մասնիկի վրա ազդող F ուժը հավասար է՝

$\mathbf {F} =q(\mathbf {E} +\mathbf {v} \times \mathbf {B} )$

որտեղ ×-ն վեկտորական արտադրյալ է։ Բոլոր թավ մեծությունները վեկտորներ են։
Առավել պարզ՝

$\mathbf {F} (\mathbf {r} ,t,q)=q\mathbf {E} (\mathbf {r} ,t)+q\mathbf {\dot {r}} \times \mathbf {B} (\mathbf {r} ,t),$

որտեղ r —ը լիցքավորված մասնիկի շառավիղ-վեկտորն է, t-ն՝ ժամանակը, կետով ցույց է տված ածանցյալն ըստ ժամանակի։

Արտաքին հղումներ

Վիքիպահեստն ունի նյութեր, որոնք վերաբերում են «Լորենցի ուժ» հոդվածին։

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից  (հ․ 4, էջ 667)։