Լյուկ Այկինս
Լյուկ Այկինս (անգլ.՝ Luke Aikins, նոյեմբերի 21, 1973, Քորփուս Քրիսթի, Կորպուս Կրիստի, Տեխաս), ամերիկացի կասկադյոր, պարաշյուտիստ, հայտնի է դարձել նրանով, որ 7600մ բարձրությունից թռել է, առանց պարաշյուտի և անվտանգ վայրէջք է կատարել։
| Լյուկ Այկինս անգլ.՝ Luke Aikins | |
|---|---|
| Ծնվել է | նոյեմբերի 21, 1973 (50 տարեկան) |
| Ծննդավայր | Քորփուս Քրիսթի |
| Քաղաքացիություն |  ԱՄՆ |
| Մասնագիտություն | կասկադյոր, skydiver և օդաչու |
Կենսագրություն
խմբագրելԼյուկը երրորդ սերնդի պրոֆեսիոնալ պարաշյուտիստ է, նրա ընտանիքը ունի պարաշյուտիստների դպրոց։ Մանկության տարիներին նա երկրպագել է ԱՄՆ ռազմաօդային ուժերի սպա Ջոզեֆ Կիտինջերը, ով 1960 թվականի օգոստոսի 16-ին սահմանել է համաշխարհային ռեկորդ՝ 31,3 հազար մ բարձրությունից պարաշյուտով թռնելով[1]։
Գործունեություն
խմբագրելԼյուկ Այկինսը ստեղծել է իր դպրոցը, որտեղ նա աշխատում է որպես կասկադյոր և հոլիվուդյան ֆիլմերում կատարում է հատուկ հնարքներ։ Իր դպրոցում նա ոչ միայն սեփական աշակերտներին է հնարքներ սովորեցնում, այլ նաև ԱՄՆ-ի հատուկ նշանակության զորքերի զինվորներին, «Para Tactics» կազմակերպությունում։
Լյուկ Այկինսը հնարքներ է սովորեցրել շատ հայտնի պարաշյուտիստների, ինչպես նաև կասկադյորական հնարքներ է կատարել «Երկաթե մարդը 3» ֆիլմում[2]։
Այկինսը հանդես է եկել որպես հայտնի պարաշյուտիստ Ֆելիքս Բաումգարտների խորհրդատու, որը պարաշյուտով թռել է 38,9 հազար մետր բարձրությունից[1]։
Նվաճումներ
խմբագրել- 18 հազար անգամ թռել է պարաշյուտով։
Թռիչք 7600 մետր բարձրությունից
խմբագրելԹռիչքը կայացել է 2016 թվականի հուլիսի 30-ին Կալիֆորնիայի արևելքում գտնվող անապատում։ Այկինսը ինքնաթիռից թռել է Սիմի Վելլի քաղաք։ Այկինսը 2,5 րոպե ազատ թռել է, նա թռչում էր 53մ/վ արագությամբ և բարեհաջող կերպով վայրէջք է կատարել 30×30 մ չափսով ֆուտբոլային ցանցի վրա, որը գտնվում էր 20 հարկանի երկնաքերի վրա։ Թռիչքի ժամանակ ավելի լավ կողմնորոշման համար ցանցի շուրջը տեղադրվել էին հատուկ լուսարձակներ[3]։
Որպեսզի ցույց տան նրա թռիչքը նրա հետ թռել են ևս երեք պարաշյուտիստներ․ նրանցից մեկը հոլովակն էր նկարում, մյուսը ծուխի ապարատով հետք էր թողնում, իսկ մյուսը նրան բալոնով թթվածին էր տալիս։
Թռիչքի ուղիղ հեռարձակումը վարում էր ամերիկյան Fox հեռուստաալիքում[4]։
Այդ հնարքին 42 տարեկան սպորտսմենը պատրաստվել էր երկու տարի։ Նրա վայրէջքին ներկա էր ամբողջ ընտանիքը, բացառությամբ մոր։
Անձնական կյանք
խմբագրելԱմուսնացած է, ունի մեկ որդի։
Ծանոթագրություններ
խմբագրել- ↑ 1,0 1,1 Інтернет-ресурс «Преса України»: Американський екстремал розповів, як морально готувався стрибати без парашюта Արխիվացված 2016-08-01 Wayback Machine
- ↑ «Дзеркало тижня. Україна»: Американський скайдайвер стрибнув без парашюта з висоти 7600 метрів Արխիվացված 2016-08-02 Wayback Machine
- ↑ Без страховки
- ↑ «Кордон»: Американський спортсмен стрибнув без парашюта з висоти 7600 метрів Արխիվացված 2016-08-06 Wayback Machine
Արտաքին հղումներ
խմբագրել- Թռիչք հոլովակը Յություբում
- Deutsche Welle Ամերիկացին կատարել է յուրօրինակ թռիչք 7600 մետր բարձրությունից՝ առանց անկարգելի
- «Ուկրաինայի մամուլ»-ը մեկնաբանել է ամերիկացու կատարած թռիչքը Արխիվացված 2016-08-01 Wayback Machine