Լիսիկրանտեսի հուշարձան
Լիսիկրանտեսի հուշարձան, Աթենքում՝ Ակրոպոլիսի մոտակայքում գտնվող հուշարձան, որը կառուցվել է Աթենքի ունևոր քաղաքացի Լիսիկրատեսի միջոցներով մ․թ․ա․ 334-335 թվականներին՝ նվիրված դիոնիսյան տոնակատարությունների ժամանակ իր կողմից նախապատրաստած Աթենքի պատանիների երգչախմբի տարած հաղթանակին։ Հուշարձանը մի պատվանդան է, որը բրոնզե եռոտանու վրա կրում է Լիսիկրատեսի շահած մրցանակը։
Հուշարձանն առաջինն է, որտեղ որպես արտաքին հարդարանք օգտագործվել են կորնթական կիսասյուները, որը հետագայում կիրառվել է Դրիհաուզի ճարտարապետական մրցանակի ստեղծման մեջ[1]։ Եզրաքանդակում Դիոնիսոսի առասպելից դրվագներ են[2]։
Ճարտարապետություն խմբագրել
Բաղկացած է երկու մասից՝ խորանարդաձև պատվանդանից և նրա վրա նստած կորնթական վեց կիսասյուներով պլաստիկորն հարստացրած գլանաձև ծավալից։ Գլանաձև ծավալի բարձրությունը՝ 4,8 մետր է, տրամագիծը՝ 2,8 մետր։ Կտուրը կոնաձև է, կղմինդրածածկ, պարագծով զարդարված է անտեֆիքսներով և պատրաստված ամբողջական քարից։ Կենտրոնական մասում կտուրը պսակվում է ակրոտերիոնով, որի վրա դրված է եռոտանին։ Եռամաս անտամբլեմենտում ֆրիզը քանդակազարդ է, քիվը հենվում է ատամնաշարի վրա[3]։
Ծանոթագրություններ խմբագրել
- ↑ NDUA: Choragic Monument Արխիվացված 2014-03-29 archive.today, bronze miniature for Driehaus Prize
- ↑ Herbert F. De Cou, "The Frieze of the Choragic Monument of Lysikrates at Athens", The American Journal of Archaeology and of the History of the Fine Arts, 8. 1 (January - March 1893):42-55) summarizes the history
- ↑ Վարազդատ Հարությունյան, Հին աշխարհի ճարտարապետություն (խմբ. Մ․ Գ․ Գասպարյան), Երևան, «Լույս հրատարակչություն», 1978, էջ 134-135 — 319 էջ։
Արտաքին հղումներ խմբագրել
- Cupolas of Capitalism — Tennessee State Capitol Building
- Greece — Choragic Monument of Lysicrates Արխիվացված 2007-08-03 Wayback Machine
- Giralda Towers in the United States
- Neoclassical architecture and the influence of antiquity Արխիվացված 2004-08-15 Wayback Machine
 | Վիքիպահեստն ունի նյութեր, որոնք վերաբերում են «Լիսիկրանտեսի հուշարձան» հոդվածին։ |