Լիմուզին (տավարի ցեղ)

Լիմուզին (տավարի ցեղ)

Լիմուզին, մսատու տավարի ցեղ։ Անվանումը՝ Ֆրանսիայի պատմական Լիմուզեն (Limousion) պրովինցիայի անունից։ Ծագել է Ֆրանսիայի արմտյան և կենտրոնական շրջաններում բուծված տեղական աքվիտանյան տավարից։ Ցեղը հայտնի է 19-րդ դարի վերջերից։

Նկարագրություն

Կենդանիները բարձրամարմին են։ Կրծքավանդա կլոր է, մեջքը՝ բավականին լայն ու հավասար՝ լավ զարգացած մկանունքով։ Սրբոսկրը՝ երկար, մկանուտ, ազդրամասը՝ լիամսոտ։ Գույնը՝ մուգ կարմիր, փորի ստորին հատվածում, աչքերի շուրջը և քթահայելին՝ ավելի բաց գույնի։ Ցուլերի կենդանի զանգվածը 1000-1100 կգ է, կովերինը՝ մոտ 600։ Տարեկան միջին կաթնատվությունը՝ 1500-1800 կգ։ Կենդանիները վաղահաս են։ Ինտենսիվ աճեցրած և բտված, 12 ամսական ցլիկներիկների կենդանի զանգվածը 450 կգ է։ Սպանդային ելքը՝ 58–600%։ Մսեղիքը համեմատաբար նուրբ մակերեսային և մեծ քանակության միջմկանային ճարպով է։ Ցեղը լավ կլիմայավարժվում է։ Հայաստանի Հանրապետության Գյուղատնտեսության նախարարության աջակցությամբ վերջին շրջանում ներմուծվել և ֆերմերներին են բաժանվել լլիմեուզին ցեղի տոհմային երինջներ ու ցուլեր։

Տարածվածություն

Լավ է օգտագործում արոտավայրերը, այդ թվում՝ լեռնալանջերինը։ Ցեղը բուծում են Ֆրանսիայում։ Տոհմական կենդանիներն արտահանվել են Կանադա, Մեծ Բրիտանիա, Հունգարիա, Ռուսաստան, Ուկրաինա, Բելառուս և այլ երկրներ։ Լիմուզինը լայնորեն օգտագործում են այլ ցեղերի կովերի հետ տրամախաչման ժամանակ։

Այս հոդվածի կամ նրա բաժնի որոշակի հատված վերցված է «Գյուղատնտեսական հանրագիտարանից», որի նյութերը թողարկված են՝ Քրիեյթիվ Քոմմոնս Նշում-Համանման տարածում 3.0 (Creative Commons BY-SA 3.0) թույլատրագրի ներքո։

Վիքիպահեստն ունի նյութեր, որոնք վերաբերում են «Լիմուզին (տավարի ցեղ)» հոդվածին։