Լենինի հուշարձան (1935, Տագանրոգ)
Անվան այլ կիրառումների համար տե՛ս՝ Լենինի հուշարձան (այլ կիրառումներ)
Լենինի հուշարձան (ռուս.՝ Памятник Ленину), քանդակագործական խմբային կոմպոզիցիա Ռուսաստանի Դաշնության Ռոստովի մարզի Տագանրոգ քաղաքում, որը 1935 թվականին տեղադրվել է Ապստամբության հրապարակում` երկաթուղային կայարանի շենքի առջև։ Քանդակագործն է Դավիդ Յակերսոնը։ Ոչնչացվել է 1941 թվականին։
 | |
|---|---|
 Լենինի հուշարձանը | |
 | |
 | |
| Տեսակ | հուշարձան |
| Երկիր |  Ռուսաստան |
| Քաղաք | Տագանրոգ |
| Բնակավայր | Տագանրոգ և Vosstaniya Square? |
| Ներկա վիճակ | ոչնչացվել է 1941 թվականին |
Հուշարձանը խմբագրել
Քանդակագործ Դավիդ Յակերսոնի[1] ստեղծած հուշարձանն ուներ հետևյալ տեսքը. բարձր բետոնե պատվանդանին, որն ուներ զրահամեքենայի դրվագի տեսք, կանգնած էր քանդակագործական խումբը։ Կենտրոնում Վլադիմիր Լենինն էր, որի շուրջը զինվորի, բանվորի ու բանվորուհու քանդակներ էին (կնոջ քանդակը պատկերում էր հեղափոխական Մ. Պիտերինային)[1]։ Հողի վրա, հուշարձանի առջևում, նրա երկու կողմից եղել է ևս երկու քանդակ` օդաչուի և տանկիստի[2]։
Պատմություն խմբագրել
Սա քաղաքում Լենինի երկրորդ արձանն էր։ Առաջինը (որը նաև առաջինն էր ամբողջ Ռոստովի մարզում) 1925 թվականին տեղադրվել էր Պետրոս I-ի հուշարձանի փոխարեն։ Հեղինակը լենինգրադցի քանդակագործ Վ. Վ. Կոզլովն էր։
Տագանրոգում Լենինի երկրորդ արձանը տեղադրվել և բացվել է 1935 թվականին Ապստամբության հրապարակում` երկաթուղային կայարանի շենքի առջև։ 1941 թվականի աշնանը, Տագանրոգի օկուպացիայի ժամանակ, հուշարձանը ոչնչացվել է գերմանացիների կողմից[3]։
Հետպատերազմյան տարիներին ոչնչացված հուշարձանի տեղում կառուցվել է ամառային սրճարան, իսկ մեր օրերում այնտեղ գտնվում է «Բատերֆիշ» ձկնային ռեստորանը[2]։
Տես նաև խմբագրել
Ծանոթագրություններ խմբագրել
- ↑ 1,0 1,1 Киричек М. С. Памятники Ленину // Таганрог. Энциклопедия. — Таганрог: Антон, 2008. — С. 540.
- ↑ 2,0 2,1 Киричек М. С. По ладоням твоих площадей. — Таганрог: Лукоморье, 2007. — С. 107.
- ↑ Киричек М. С. Восстания площадь // Таганрог. Энциклопедия. — Таганрог: Антон, 2008. — С. 266.