Լեյլի (աշուղ)
Լեյլի (Լեյլի Սամվելի Եփրիկյան) (նոյեմբերի 6, 1942, Ղաուրմա, Նինոծմինդայի մունիցիպալիտետ, Սամցխե-Ջավախեթի մարզ, Վրացական ԽՍՀ, ԽՍՀՄ), հայ աշուղ։
Լեյլի | |
---|---|
Ծնվել է | նոյեմբերի 6, 1942 (81 տարեկան) Ղաուրմա, Նինոծմինդայի մունիցիպալիտետ, Սամցխե-Ջավախեթի մարզ, Վրացական ԽՍՀ, ԽՍՀՄ |
Մասնագիտություն | աշուղ |
Գործիքներ | դափ |
Կրթություն | ՎՊՀ |
Կենսագրություն խմբագրել
Լեյլի Եփրիկյանը ծնվել է Վրաստանի Բոգդանովկայի շրջանի Ղաուրմա գյուղում, 1942 թվականի նոյեմբերի 6-ին։ Գյուղի միջնակարգ դպրոցն ավարտելուց հետո 1964 թվականին տեղափոխվել է Հայաստան[1]։ Ավարտել է Կիրովականի մանկավարժական ինստիտուտի բանասիրության ֆակուլտետը, դասավանդել է դպրոցում, միաժամանակ եղել «Ջավախք» երգի-պարի անսամբլի ղեկավարը։ 1998 թվականին ընդունվել է Ջիվանու անվան աշուղական դպրոցը։
2003 թվականին «Սայաթ-Նովա» մշակութային կենտրոնի և Հայ աշուղների միության կողմից Լեյլի Եփրիկյանին շնորհվել է վարպետ աշուղի կոչում։
Մոտ 4000 բանաստեղծության և 500-ից ավելի աշուղական երգի հեղինակ է՝ «Խաս բաղի մեջ», «Ով բախտ անարդար», «Արի ղարիբ ջան», «Եղնիկ յար», «Նաիրուհի», «Կարոտի թևով», «Ջավախքը իմ երգն է»։
Նվագում է դափ։
Աշուղական երգի «Սայաթ-Նովա» փառատոնի մրցանակակիր է։
Ընտանիք խմբագրել
Ամուսնացած է, ունի վեց զավակ, 2004 թվականին աշուղի կոչում է շնորհվել նաև Լեյլիի քրոջը՝ Զարուհի Եփրիկյանին։
Ծանոթագրություններ խմբագրել
Արտաքին հղումներ խմբագրել
Այս հոդվածի կամ նրա բաժնի որոշակի հատված վերցված է «Հայ երաժշտության հանրագիտարանից», որի նյութերը թողարկված են՝ Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) թույլատրագրի ներքո։ |