Լա Պալմայի ամրոց

Լա Պալմայի ամրոց; Castillo de La Palma
	Նկարագրություն
Տեսակ	հուշարձան և դղյակ
Տեղագրություն	43°27′45″ հս․ լ. 08°16′27″ ամ. ե.HGЯO Մուգարդոս
Հասցե	Գալիսա
Վարչական միավոր	Մուգարդոս
Երկիր	Իսպանիա
Կառուցված	1597 թվական
Ընթացիկ վիճակ	կանգուն
Վերահսկվում է	RI-51-0008856
	Castle of A Palma Վիքիպահեստում

Լա Պալմայի ամրոց (իսպ.՝ Castillo de La Palma), միջնադարյան ամրոց, որը գտնվում է Իսպանիայի Գալիսայի ինքնավար համայնքի (Լա Կորունյա) Ֆեռռոլ գավառի Մուգարդոս բնակավայրի մոտ։

1994 թվականի հոկտեմբերի 19-ին Իսպանիայի մշակույթի նախարարության կողմից Լա Պալմայի ամրոցն ընդգրկվել է Իսպանիայի պատմական արժեք ունեցող հուշարձանների ցանկի մեջ՝ RI-51-0008856 գրանցման համարի տակ^[2]։

Խոսվում է այն մասին, որ ամրոցի շինարարությունը սկսվել է 16-րդ դարի վերջում՝ 1597 թվականին։ Այն գտնվում է փոքրիկ ծովածոցի ափին՝ Ֆառռոլ գավառի մոտ, Սան Ֆելիպե ամրոցի (իսպ.՝ Castillo de San Felipe (Ferrol)) դիմաց։

Ամրոցը լավ սպառազինված չի եղել և նրա դերը կայացել է ծովում տիրող իրավիճակի հսկումը։ Նրանից քիչ հեռու գտնվում է Սան Մարտին ամրոցը (իսպ.՝ Castillo de San Martín), որի ավերակները ներկայումս շատ քիչ են պահպանվել^[3]։

Վերջին անգամ ամրոցը օգտագործվել է, որպես ռազմական բանտ։ Այնտեղ բանտարկյալների թվում է եղել քաղաքացիական գվարդիայի էքս փոխգնդապետ Անտոնիո Տեխերոն, որը 1981 թվականի փետրվարի 23-ին եղել է հեղափոխության գլխավոր կազմակերպիչներից մեկը։

21-րդ դարի սկզբին ամրոցը գնվել է հյուրանոցային ցանցերից մեկի կողմից և շուտով վերականգման և ձևափոխումից հետո կդառնա նրա մաս։