Լա Բոմբոներա
Լա Բոմբոներա կամ Բոմբոներա, պաշտոնական անվանումը՝ «Ալբերտո Խ. Արմանդո» մարզադաշտ (իսպ՝. Estadio Alberto J. Armando), Արգենտինայի մայրաքաղաք Բուենոս Այրեսի Լա Բոկա շրջանում գտնվող մարզադաշտ, որը «Բոկա Խունիորս» ֆուտբոլային թիմի այսպես ասած՝ տնային մարզադաշտն է։ Անվանումը կապված է ճարտարապետական մի առանձնահատկության հետ. մարզադաշտի տրիբունաներից մեկը այնպիսի կտրվածք ունի, որ նմանվում է շոկոլադե կոնֆետների տուփի՝ բոմբոներայի[2]։
 | |
|---|---|
 | |
| Տեսակ | մարզադաշտ |
| Մարզաձև | ֆուտբոլ |
| Տեղագրություն | Բուենոս Այրես |
| Երկիր |  Արգենտինա |
| Անվանված է | Alberto humberto armando? |
| Բացված | մայիսի 25, 1940 |
| Ճարտարապետ | Viktor Sulčič? |
| Սեփականատեր | Բոկա Խունիորս |
| Գործաղեկավար | Բոկա Խունիորս |
| Տարողություն | 58 000[1] |
| Տնային թիմ | Բոկա Խունիորս և Արգենտինայի ֆուտբոլի ազգային հավաքական |
| Ծածկույթի տեսակը | գազոն |
| Կայք | bocajuniors.com.ar/el-club/la-bombonera#(իսպ.) |
 | |
| |
 Estadio Alberto J. Armando Վիքիպահեստում | |
Մարզադաշտի տեխնիկական բնութագիրը խմբագրել
Հանդիսականների համար նախատեսված նստատեղերի քանակը՝ 49 հազար[3], ֆուտբոլասերների առավելագույն մեծաթիվ հաճախումը արձանագրվել է 1940 թվականի մայիսի 25-ին՝ «Բոկա Խունիորս» - «Սան Լորենսո » հանդիպման ժամանակ՝ 57.395[4]: Կոնստրուկտորներ Խոսե Լուիս Դելպինիի, Վիկտոր Սուլչիչի, Ռաուլ Բեսի նախագծած մարզադաշտի տրիբունաների կառուցվածքի առանձնահատկությունն այն է, որ երբ իրենց սիրելի թիմին աջակցող մարզասերները սկսում են համերաշխորեն, միմյանց հետ համաձայնեցված՝ ցատկոտել, թրթռումի էֆեկտ է առաջանում։
Պատմություն խմբագրել
1905 թ. - «Բոկա Խունիորս» ֆուտբոլային ակումբի հիմնադիրները մարզումների և խաղերի համար հարմար հրապարակ են գտնում իրենց թաղամասում
1907 թ. - ֆուտբոլային ասոցիացիան ակումբին հարկադրում է փոխել հանդիպումների անցկացման վայրը՝ առկա պայմանները ներկայացվող պահանջներին չբավարարելու պատճառով, և ակումբը ստիպված է լինում տեղափոխվել Դեմարչի կղզում գտնվող խաղահրապարակ
1912 թ. - ակումբը այս անգամ էլ տեղափոխվում է Վիլդե
1913 թ. - սկսվում է մարզադաշտի փայտե տրիբունաների կառուցումը, ակումբն իր տնային հանդիպումներն անց է կացնում Բուենոս Այրեսի Պալերմո շրջանում
1916 թ. մայիսի 25 - տեղի է ունենում Բոկա թաղամասում կառուցված մարզադաշտի բացումը
1940 թ. մայիսի 25 - տեղի է ունենում «Կամիլո Սիչերո» մարզադաշտի բացումը
2000 թ. - «Կամիլո Սիչերո» մարզադաշտը վերանվանվում է Ալբերտո Խ. Արմանդոյի պատվին, բայց մարզասերների շրջանում առավել գործածականը մնում է Բոնբոներա անվանումը։
Կարևորագույն հանդիպումներ խմբագրել
Անցած տարիներին Բոմբոներա մարզադաշտում բազմաթիվ կարևոր ֆուտբոլային հանդիպումներ են անցկացվել։ Այս մրցասպարեզում են տեղի ունեցել Լիբերտադորեսի գավաթի խաղարկության մի ամբողջ շարք եզրափակիչ խաղեր (1973 թ., 1977-1979 թթ., 2000-2004 թթ., 2007 թ.): Այստեղ պաշտոնական կամ ընկերական շուրջ երեք տասյակ հանդիպումներ է անցկացրել նաև Արգենտինայի ֆուտբոլի ազգային հավաքականը։
Ծանոթագրություններ խմբագրել
- ↑ https://www.ole.com.ar/boca-juniors/-bombonera-57-000-_0_qGlr3BX32.html
- ↑ Ben Groundwater (2010 թ․ սեպտեմբերի 20). «Want to get to know a country? Head for the stadium». The Age. Fairfax Media. Արխիվացված է օրիգինալից 2013 թ․ օգոստոսի 1-ին. Վերցված է 2013 թ․ ապրիլի 26-ին.
- ↑ «La Bombonera | El club». bocajuniors.com.ar (իսպաներեն). CA Boca Juniors. Վերցված է 2018 թ․ հունիսի 10-ին.
- ↑ «Ranking the Top 10 Most Iconic Stadiums in World Football». 2013 թ․ ապրիլի 12.
Արտաքին հղումներ խմբագրել
- 70 años de la inauguración de La Bombonera
- Mapa e información general sobre La Bombonera Արխիվացված 2009-09-23 Wayback Machine
- Artículo en Sitio Web oficial del Club
- Estadio Alberto J. Armando en Google Maps
 | Վիքիպահեստն ունի նյութեր, որոնք վերաբերում են «Լա Բոմբոներա» հոդվածին։ |