Իրինա Կոստյան
Իրինա Կոստյան (դեկտեմբերի 3, 1955, Մոսկվա, ԽՍՀՄ), իրավագիտության դոկտոր (2009), Մոսկվայի պետական համալսարանի իրավագիտության ֆակուլտետի պրոֆեսոր (2010 թվականից), ավարտել է Համամիութենական նամակագրության իրավունքի ինստիտուտը (1980), իրավաբան, Ռուսաստանի փաստաբանների միության անդամ, Հյուսիսային հիմնահարցերի խմբագրական խորհրդի անդամ։
| Իրինա Կոստյան | |
|---|---|
| Ծնվել է | դեկտեմբերի 3, 1955 (68 տարեկան) |
| Ծննդավայր | Մոսկվա, ԽՍՀՄ |
| Մասնագիտություն | փաստաբան |
Կենսագրություն
խմբագրելԻրինա Կոստյանը ծնվել է 1955 թվականի դեկտեմբերի 3-ին, Մոսկվայում։ 1980 թվականին ավարտել է Համամիութենական թղթակցության իրավունքի երեկոյան ինստիտուտի իրավագիտության ֆակուլտետը։ 2000 թվականին նա հաջողությամբ պաշտպանեց թեզը՝ «Անհատական աշխատանքային վեճերը և դրանց լուծման երաշխիքները» թեմայով։ Դարձել է իրավագիտության թեկնածու և 2002 թվականի նոյեմբերի 20-ին նա սկսել է դասավանդել Մոսկվայի պետական համալսարանի իրավագիտության ֆակուլտետում։ Երկու տարի անց նա հրապարակեց իր մենագրությունը՝ «Աշխատանքային վեճեր։ Աշխատանքային գործերի քննության դատական կարգը»։ 2007 թվականին ստանձնել է նույն ամբիոնի դոցենտի պաշտոնը։
Բացի մանկավարժական գործունեությունից, Կոստյանն աշխատել է որպես փաստաբան (եղել է Ռուսաստանի իրավաբանների միության անդամ) և ընդգրկված է եղել «Հյուսիսի հարցեր» ամսագրի խմբագրական կոլեգիայի կազմում։ 2002 թվականից եղել է փորձագիտական խորհրդի անդամ, որը ստեղծվել է աշխատանքային օրենսդրության հարցերով կոմիտեին առընթեր՝ «ՀԿԿ կադրերի ազգային միության» կողմից, որը ստեղծվել է նույն տարվա հունվարին։ Չորս տարի անց դարձավ Մոսկվայի աշխատանքային իրավունքի և սոցիալական ապահովության իրավունքի ընկերության անդամ։
2009 թվականին Կոստյանը հաջողությամբ պաշտպանել է դոկտորական դիսերտացիա, որի գիտական խորհրդատուն հանդես է եկել պրոֆեսոր Ալեքսանդր Կուրեննոյը՝ «Աշխատողների աշխատանքային իրավունքների պաշտպանության իրավական հիմնախնդիրները Ռուսաստանում շուկայական հարաբերությունների պայմաններում» թեմայով։ 2010 թվականից (այլ տվյալներով՝ 2011 թվականից) դարձել է ՄՊՀ աշխատանքային իրավունքի ամբիոնի պրոֆեսոր։ 2019 թվականի տվյալներով՝ ուսանողներին կարդացել է «Անհատական աշխատանքային վեճերի քննարկման և լուծման խնդիրները», ինչպես նաև վարել է աշխատանքային հարաբերությունների կարգավորման ոլորտում գործարարական ակտերի և դրանց նշանակության, աշխատանքային իրավունքի ոլորտում պայմանագրի ազատության, ըստ էության, աշխատանքային իրավունքի և իրավագիտության, ռուսական օրենսդրության գործնական խնդիրների լուծման անհատական աշխատանքային վեճեր թեմաների վերաբերյալ հատուկ դասընթացները։
Աշխատանքներ
խմբագրելԻրինա Կոստյանը ձեռնարկատիրական և աշխատանքային օրենսդրությանը նվիրված գրեթե երկու հարյուր գիտական հրապարակումների (գրքեր, հատորներ և հոդվածներ) հեղինակ և համահեղինակ է։ Հիմնականում անրադարձել է աշխատողների աշխատանքային իրավունքի պաշտպանության և գործատուի ու աշխատողի միջև աշխատանքային պայմանագրերի կնքման ու պաշտպանության հարցերին։ Իր աշխատանքներում առանձնացրել է սուբյեկտիվ աշխատանքային իրավունքների հատուկ տեսակ՝ կոլեկտիվ բնույթի անհատական իրավունքներ, որոնց բնորոշ են միաժամանակ ինչպես աշխատողների անհատական, այնպես էլ կոլեկտիվ աշխատանքային իրավունքների հատկանիշները։ Մի կողմից նման իրավունքները պատկանում են որոշակի աշխատողի, իսկ մյուս կողմից՝ մեկ աշխատողի նման իրավունքների վերականգնումը հանգեցնում է այլ աշխատողների իրավունքների ոտնահարման՝ նշելով, որ մեկ աշխատողի կոլեկտիվ բնույթի անհատական իրավունքի վերականգնման դեպքում անհրաժեշտ է լուծել նաև այլ աշխատողների իրավունքային խնդիրները[1]։
- Սուբյեկտիվ իրավունքների, ազատությունների և օրինական շահերի պաշտպանություն։ Աշխատանքային օրենսդրության ասպեկտ։ Հրատարակչություն, 2009։
- Աշխատանքային վեճեր։ Աշխատանքային գործերի քննության դատական կարգը։ Հրատարակչություն, 2004։
- Աշխատանքային պայմանագրի դադարեցում։ Տնտեսագիտության կենտրոնի հրատարակչություն[2][3]։
- Զբաղվածություն։ Տնտեսագիտության և ֆինանսների կենտրոնի հրատարակչություն, 2005[4]։
- Աշխատանքային պայմանագիր։ Տնտեսագիտության և ֆինանսների կենտրոնի հրատարակչություն, 2006։
- Համադրություն՝ դժվար հարցեր։ Տնտեսագիտության և ֆինանսների կենտրոնի հրատարակչություն, 2006։
- Աշխատողների թվի կամ աշխատակազմի կրճատում. Գործատուի շահերը։ Վերշինա հրատարակչություն, 2009։
- Handbuch für deutsches und russisches Arbeitsrecht, 2016, համահեղինակ։
Ծանոթագրություններ
խմբագրել- ↑ Князева Н. А. Защита трудовых прав групп работников // Журнал российского права. — 2016. — В. 11 (239). — ISSN 1605-6590.
- ↑ Гладков Н. Г. К вопросу о соотношении понятий «Прекращение», «Расторжение трудового договора» и «Увольнение работника» // Актуальные проблемы российского права. — 2015. — В. 9. — ISSN 1994-1471.
- ↑ Кучина, Ю. А. Роль трудового договора в регулировании трудовых отношений с участием работодателей — физических лиц // Бизнес, менеджмент и право. — 2005. — № 1. — С. 81—84.
- ↑ Циндяйкина Е. П. Трудовой договор: порядок заключения, изменения и расторжения : с учетом новой редакции Трудового кодекса РФ / Е. П. Циндяйкина, И. С. Цыпкина ; Московская гос. юридическая акад. — 2-е изд., перераб. и доп. — Москва : Проспект, 2006 (Домодедово (Моск. обл.) : Домодедовская тип.). — 190 с. ISBN 5-482-00940-8.
Արտաքին Հղումներ
խմբագրել- «Իրինա Կոստյան». law.msu.ru. МГУ, Кафедра предпринимательского права: Кадровый состав. Արխիվացված է օրիգինալից 2019 թ․ հուլիսի 3-ին. Վերցված է 2019 թ․ հուլիսի 2-ին.
- «Իրինա Կոստյան». letopis.msu.ru. Летопись Московского университета, Аналитическая служба МГУ имени М. В. Ломоносова. Վերցված է 2019 թ․ հուլիսի 2-ին.