Իվան Ալեքսեև
Իվան Ալեքսեև (ռուս.՝ Алексеев Иван Арестович, դեկտեմբերի 15, 1933, Լենինգրադ, ՌԽՖՍՀ, ԽՍՀՄ - սեպտեմբերի 14, 2006, Սանկտ Պետերբուրգ, Ռուսաստան), խորհրդային գեղանկարիչ-ռեստավրատոր, Սանկտ Պետերբուրգի նկարիչների միության անդամ, Ռուսաստանի Դաշնության պետական մրցանակի դափնեկիր։
| Իվան Ալեքսեև | |
|---|---|
| Ծնվել է | դեկտեմբերի 15, 1933 |
| Ծննդավայր | Լենինգրադ, ՌԽՖՍՀ, ԽՍՀՄ |
| Մահացել է | սեպտեմբերի 14, 2006 (72 տարեկան) |
| Մահվան վայր | Սանկտ Պետերբուրգ, Ռուսաստան |
| Քաղաքացիություն |  ԽՍՀՄ և  Ռուսաստան |
| Մայրենի լեզու | ռուսերեն |
| Կրթություն | Սանկտ Պետերբուրգի Շտիգլիցի անվան գեղարվեստաարդյունաբերական ակադեմիա |
| Մասնագիտություն | նկարիչ |
| Պարգևներ և մրցանակներ |  |
| Անդամություն | ԽՍՀՄ նկարիչների միություն |
Կենսագրություն խմբագրել
Ավարտել է Վ. Մուխինայի անվան Լենինգրադի արվեստի բարձրագույն դպրոցը։ Ավելի քան կես դար զբաղվել է Լենինգրադ-Պետերբուրգի և դրա արվարձանների պալատական և պուրակային անսամբլների մոնումենտալ և մոլբերտային նկարչության վերականգնմամբ։ Այդ թվում` վերականգնել է Իսահակի տաճարի, Ցարսկոյե Սելոյի Եկատերինյան պալատի մոնումենտալ գեղանկարչությունը[1], պատերազմի ընթացքում վնասված 18-րդ դարի իտալացի վարպետների մոնումենտալ նկարները Պետերհոֆի, Պավլովսկի, Օրանիենբաումի, Գաչինայի պալատներում, ինչն այսօր էլ նմանը չունի համաշխարհային ռեստավրացիայի պրակտիկայում։ Լենինգրադի ռեստավրացիայի դպրոցի հիմնադիրներից մեկն է, որը վերականգնել է պատերազմի հետևանքով Սանկտ Պետերբուրգի և դրա արվարձանների պալատների և պուրակների ավերված հուշարձանները[2]։ Սանկտ Պետերբուրգի և դրա արվարձանների ճարտարապետական հուշարձաններում նկարների վերակառուցման և վերականգնման աշխատանքների համալիրի համար Ի. Ալեքսեևը 1993 թվականին ստացել է կերպարվեստի բնագավառում Ռուսաստանի Դաշնության պետական մրցանակ։ 2006 թվականին, Եկատերինայի պալատի սաթի սենյակի վերակառուցման գործում ունեցած մեծ ներդրման համար, Ի. Ալեքսեևը պարգևատրվել է «Հայրենիքին վաստակի 2-րդ աստիճանի շքանշան» շքանշանով[3]։ Մահացել է 2006 թվականին, Սանկտ Պետերբուրգում, 73 տարեկան հասակում։
Տես նաև խմբագրել
Ծանոթագրություններ խմբագրել
- ↑ Саутов И. Ликующие небеса Екатерининского дворца.
- ↑ Санкт-Петербургские ведомости. 2006, 18 сентября.
- ↑ Высокие награды и звания России.
Աղբյուրներ խմբագրել
- Справочник членов Ленинградской организации Союза художников РСФСР. Л., Художник РСФСР, 1987. С.5.
- Санкт-Петербургские ведомости. 2006, 18 сентября.