Իսահակ Մելիք-Աղամալյանի բնակելի տուն (Կոնդ)
Իսահակ Մելիք-Աղամալյանի բնակելի տուն, Երևանի վեցերորդ քաղաքագլուխ Իսահակ Մելիք-Աղամալյանի տունը Երևանի Կոնդ թաղամասում։
 | |
|---|---|
 | |
| Տեսակ | բնակելի տուն |
| Երկիր | Հայաստան |
| Տեղագրություն | Երևան |
| Վայր | Կոնդ թաղամաս |
| Փողոց | Ռուսթավելու փողոց |
| Ճարտարապետ | Ե․ Բոգուշև |
| Կառուցման ավարտ | 1893 թ․ |
| Կարգավիճակ | կանգուն չէ |
Ճարտարապետություն խմբագրել
Իսահակ Մելիք-Աղամալյանի բնակելի տունը կառուցվել է 1893 թ․ Կոնդի Թափաբաշի թաղամասում ճարտարապետ Ե․ Բոգուշևի կողմից։ Տեղակայված է եղել Մելիք-Աղամալյանների կալվածքի խորքում՝ հետին սահմանի միջնամասում։ Տան նախագին ունեցել է ուղղանկյան տեսք՝ դեպի երկայնական կողմը ձգվող պատշգամբով։ Նախագծային կոմպոզիցիայի ձևը սահմանում է սրահաշարով (անֆիլադաներով) սենյակների տեղաբաշխումը երկար երկայնական միջանցքի շուրջ (լայնությունը՝ 1 սաժինա կամ 2․1 մ), որը ձգվում էր ձախ կողային պատից առանձնաշենքի (կորպուս) կենտրոնով[1]։ Սիմետրիկ տեղադրված և տարբեր տարածականությամբ երկու լայնակի նախասրահները հարում են հանդիպակաց ճակատներին, որոնք ունեն կողային մուտքեր։ Ձապ նախասրահը տարել է դեպի միջանցք, աջը՝ դեպի հյուրասենյակ։ Ընդհանուր առմամբ կոմպոզիցիայի համակարգը համարվում է որպես երկշարքանի և երեքշարքանի համակարգերի համատեղում։ Դեպի սրահ դուրս եկող նկուղի խցերի շարքը ձևավորվել է կալվածքի անհարթ ռելիեֆի օգտագործման արդյունքում։ Շենքի՝ դեպի բակ նայող գլխավոր ճակատի ճարտարապետությունը բնորոշ է բակային ճակատային ձևերին և ենթակա է կառույցի ծավալի ֆունկցիոնալ մասնատմանը։ Շենքի լայնակի պատերը դուրս են բերվում դեպի շենքի ճակատ թիերով, որոնք շարված են պրիզմայաձև քառակուսիներով և շենքի քիվերից վեր բարձրացված կարճասյուներով։ Անհամաչափորեն կառուցված ճակտոնն ընդգծում է թիերի առանցքների ու պարակալներով շրջանակված լուսամուտների անկանոն տեղաբաշխումը[1]։
Պատկերասրահ խմբագրել
-
Իսահակ Մելիք-Աղամալյանի տան ճակատը -
Իսահակ Մելիք-Աղամալյանի տան հատակագծերը -
Ձորագյուղ թաղամասի պատկերը ու Մելիք-Աղամասյանների տունը
