Ինչպես գիրք գրել
«Ինչպես գիրք գրել. նոթեր արհեստի մասին» (անգլ.՝ On Writing: A Memoir of the Craft), ամերիկացի հանրահայտ գրող Սթիվեն Քինգի ինքնակենսագրական և խորհրդատվական գիրքը[1], որի առաջին հրատարակությունը լույս է ընծայվել 2000 թվականին Charles Scribner's Sons հրատարակչության կողմից։
Ինչպես գիրք գրել անգլ.՝ On Writing | |
|---|---|
| Հեղինակ | Սթիվեն Քինգ |
| Տեսակ | գրավոր աշխատություն |
| Ժանր | հուշագրություն, էսսե և ինքնակենսագրություն |
| Բնօրինակ լեզու | անգլերեն |
| Ստեղծման տարեթիվ | 1997 |
| Երկիր |  ԱՄՆ |
| Հրատարակիչ | Charles Scribner's Sons |
| Հրատարակման տարեթիվ | 2000 |
| OCLC | 319817652 և 427417749 |
Գիրքը բաղկացած է հինգ մասից։ Առաջինում հեղինակի ինքնակենսագրությունն է, որտեղ Քինգը նկարագրում է իր կյանքի առավել վառ դեպքերն ու իրադարձությունները՝ մեծ տեղ հատկացնելով մանկության ու դպրոցական տարիներին և հնարավորություն ընձեռելով հասու դառնալու, թե անձնական կյանքի ինչ դրվագներ ու դիպվածներ են ազդեցություն գործել Քինգի՝ որպես գրողի, ձևավորման վրա։ Երկրորդ մասում ("What Writing Is") հեղինակն ընթերցողին համոզում է, որ գրելն իսկապես լուրջ գործ է։ Երրորդում ("Toolbox") քննարկում է անգլիագիր գեղարվեստական գրականության մեջ կիրառված գրողական տեխնիկայի տեսակներն ու տարրերը, չորրորդում ("On Writing") հանգամանալի խորհուրդներ է տալիս սկսնակ հեղինակներին, արդեն տպագրված զանազան գրքերից բերում թե՛ լավի, թե՛ վատի նմուշօրինակ-հատվածներ, հինգերորդում ("On Living: A Postscript") նկարագրում է իր հետ պատահած ավտովթարը և ներկայացնում, թե այն ինչպես է ազդել իր կյանքի հետագա ընթացքի վրա։
2008 թվականին Entertainment Weekly ամենշաբաթյա հանդեսը Քինգի On Writing խորագրով գիրքն ընդգրկել է իր կազմած "The New Classics: Books – The 100 best reads from 1983 to 2008" ցանկում[2]։ Գրաքննադատներ Շարոն Ջոնսոնը և Ջուլի Վուն, առաջինը՝ The Patriot-News լրագրում, երկրորդը՝ Associated Press-ում լույս ընծայված գրախոսականներում, դրվատել են Քինգին և նրա գրողական վարպետության դասերն ու խորհուրդները համարել ծանրակշիռ ("solid")[3][4]։ Ջոն Մարկ Էբերհարտն էլ Sunday Free Lance-Star-ում տպագրած գրախոսականում եզրահանգել է, որ On Writing-ը անցումային կարևոր մի աշխատություն է, որը Սթիվեն Քինգին կարող է առաջնորդել դեպի ստեղծագործական ավելի մեծ նվաճումներ ("a slight but transitionally important work that should lead [King] to better things")[5]։
Ծանոթագրություններ խմբագրել
- ↑ King, Stephen (2010). On writing : a memoir of the craft (Scribner trade pbk. ed., 10th anniversary ed.). New York, NY: Scribner. ISBN 9781439156810.
- ↑ "The New Classics: Books: The 100 Best Reads from 1983 to 2008" Entertainment Weekly, issue #999–1000, June 27, 2008.
- ↑ Johnson, Sharon (2000 թ․ հոկտեմբերի 1). «King terrifies with account of accident». The Patriot-News. էջ E04 – via Access World News.
- ↑ Woo, Julie (2000 թ․ հոկտեմբերի 29). «It's great to be the king – THE MASTER SPEAKS: Stephen King 's writing is his life and his life is writing». Ventura County Star. Associated Press. էջեր J05 – via Access World News.
- ↑ Eberhart, John Mark (2000 թ․ հոկտեմբերի 15). «Not exactly the King of instructors». Sunday Free Lance-Star. Vol. 114, no. 289. Fredericksburg, Virginia. էջ F7. Վերցված է 2015 թ․ սեպտեմբերի 13-ին.
Արտաքին հղումներ խմբագրել
