Ժորժ Շահպարոնյան
Ժորժ Շահպարոնյան (1897, Գանձակ, Ռուսական կայսրություն - 1956, Լոս Անջելես, Կալիֆոռնիա, ԱՄՆ), հայազգի թառահար։
Ժորժ Շահպարոնյան | |
---|---|
Ծնվել է | 1897 Գանձակ, Ռուսական կայսրություն |
Մահացել է | 1956 Լոս Անջելես, Կալիֆոռնիա, ԱՄՆ |
Ամուսին | Ժենյա Շահպարոնյան |
Կենսագրություն խմբագրել
Ժորժ Շահպարոնյանը ծնվել է 1897 թվականին Գանձակում (ներկայում՝ Գյանջա, Ադրբեջան)։ Փոքր տարիքից նվագել է թառ, հանդես եկել երաժշտական միջոցառումներում։ 1919 թվականից նվագել է «Սուրաբյան թատերախմբում», որի հետ շրջագայել է Հյուսիսային Կովկասում, Կ. Պոլսում։
1920-ական թվականների սկզբներին կնոջ՝ Ժենյա Շահպարոնյանի հետ մեկնել է Փարիզ։ Նվագել է Միշա Ազնավուրյանի օպերետային խմբում, եղել գեղարվեստական ղեկավար։ 1927 թվականին կնոջ հետ տեղափոխվել է ԱՄՆ. շուրջ 25 տարի ապրել են Նյու Յորքում, ապա՝ Լոս Անջելեսում։ Հանդես են եկել համերգներով, արժանացել բարձր գնահատականի։ Կատարել է իր հորինած մեղեդիները։
Ժորժ Շահպարոնյանը մահացել է 1956 թվականին Լոս Անջելեսում։
Այս հոդվածի կամ նրա բաժնի որոշակի հատված վերցված է «Հայ երաժշտության հանրագիտարանից», որի նյութերը թողարկված են՝ Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) թույլատրագրի ներքո։ |