Ժորժ Հակոբյան
հայ նկարիչ
- Վիքիպեդիայում կան հոդվածներ Հակոբյան ազգանունով այլ մարդկանց մասին։
Ժորժ Հակոբյան (փետրվարի 8, 1911, Բաքու, Ռուսական կայսրություն - դեկտեմբերի 2, 1971, Փարիզ, Ֆրանսիա), հայ նկարիչ։
 | |
|---|---|
| Ծնվել է | փետրվարի 8, 1911 |
| Ծննդավայր | Բաքու, Ռուսական կայսրություն |
| Վախճանվել է | դեկտեմբերի 2, 1971 (60 տարեկան) |
| Մահվան վայր | Փարիզ, Ֆրանսիա |
| Կրթություն | Փարիզի համալսարան |
| Մասնագիտություն | նկարիչ |
Կենսագրություն
խմբագրելԺորժ Հակոբյանը ծնվել է 1912 թվականին, Բաքվում։ Ութ տարեկան հասակում ընտանիքի հետ տեղափոխվել է Փարիզ։ Սովորել է Սորբոնի համալսարանի բարձրագույն մաթեմատիկայի բաժնում։ Գեղարվեստական կրթությունն ստացել է մասնավոր արվեստանոցներում։ Ստեղծագործել է մոնումենտալ-դեկորատիվ արվեստի (խճանկարներ), հաստոցային գեղանկարչության, գրաֆիկայի բնագավառներում։ Նրա գործերի երփնագրային լուծումը հիշեցնում է ուշ իմպրեսիոնիստական պուանտելիստական ոճը։ Եղել է «Թորոս Ռոսլին» միության նախագահներից[1]։ Աշխատանքներից գտնվում են Հայաստանի ազգային պատկերասրահում[2]։
Ցուցահանդեսներ
խմբագրելԱնհատական ցուցահանդեսներ է ունեցել Փարիզում (1963, 1984, հետմահու), Երևանում (1968)։
Ստեղծագործություններ
խմբագրել- «Ալպ-Մարիթեն»
- «Լուարի ափերը»
- «Կոմիտաս»
- «Երիտասարդ հույն աղջկա դիմանկար»
- «Նատյուրմորտ»
Ծանոթագրություններ
խմբագրել- ↑ Ով ով է. Հայեր. Կենսագրական հանրագիտարան, հատոր առաջին, Երևան, 2005.
- ↑ Ժորժ Հակոբյանի ստեղծագործություններից ՀԱՊ-ում