Թադևոս Ջիլավյան

Թադևոս Ջիլավյան (1892, Ջալալօղլի, Բորչալուի գավառ, Ռուսական կայսրություն - 1937), հայ արձակագիր, ԽՍՀՄ գրողների միության անդամ 1934 թվականից։

Թադևոս Ջիլավյան Թադևոս Սարգսի (Սերգեյի) Ջիլավյան
Ծնվել է	1892
Ծննդավայր	Ջալալօղլի, այժմ՝ Ստեփանավան, (Հայաստան)
Մահացել է	1937
Մասնագիտություն	արձակագիր

Ծնվել է Ջալալօղլիում (այժմ՝ Ստեփանավան)։ Սովորել է Էջմիածնի Գևորգյան ճեմարանում, ապա ավարտել Մոսկվայի առևտրի ինստիտուտի տնտեսագիտական բաժինը։ Եղել է Ստեփան Շահումյանի կողմից Հայաստանում կազմակերպված մարքսիստական առաջին խմբակի անդամներից։ Նրա «Փրկիչ կոոպերատիվ» պատմվածքը 1926 թվականին արժանացել է Հայկոոպի գրական մրցանակին։ Ջիլավյանի պատմվածքները թարգմանվել են ռուսերեն։ Մահացել է 1937 թվականին։

Թ. Ջիլավյանի երկերը

• Անխնամը (պատմվածք), Թիֆլիս, տպարան ԱՍՖԽՀ երկաթուղիների, 1926, 16 էջ։
• Փրկիչ կոոպերատիվ, Երևան, Հայկոոպի հրատ., 1927, 30 էջ։
• Բատրակ Սամուլ, Թիֆլիս, Զակկնիգա, 1929, 64 էջ։
• Պատմվածքներ, գիրք երկրորդ, Թիֆլիս, Սախելգամի, 1936, 304 էջ։
• Պատմվածքներ, Երևան, Հայպետհրատ, 1964, 136 էջ։

Աղբյուրներ

Վիքիդարանն ունի նյութեր, որոնք վերաբերում են «Թադևոս Ջիլավյան» հոդվածին։