Թորոս Պապիկյան
Ծնվել է | 1881/1887 |
---|---|
Ծննդավայր | Սեբաստիա |
Մահացել է | 1915 |
Ազգություն | հայ |
Մասնագիտություն | բժիշկ |
Պապիկյան Թորոս Աշոտի (1881/1887, Սեբաստիա - 1915), հայ բժիշկ։
Կենսագրություն խմբագրել
Ծնվել է 1881/1887 թվականներին, Սեբաստիայի նահանգի Սեբաստիա քաղաքում։ Նախնական և միջանկարգ կրթությունն ստացել է Հիսուսյան միաբանության Սեբաստիայի վարժարանում։ 1906-1910 թվականներին ուսանել է Բեյրութի Սեն Ժոզեֆ Ֆրանսիական համալսարանի բժշկական ֆակուլտետում։ Ուսանողության վերջին տարում ամուսնացել է մարաշցի հայտնի վաճառական Հազարապետյանի աղջկա հետ։ 1910 թվականին աշնանը վերադարձել է Սեբաստիա և բժիշկ աշխատել։ 1914 թվականին, առաջին աշխարհամարտի սկսվելուն պես զորակոչվել է օսմանյան բանակ և հոսպիտալում զինվորական բժիշկ ծառայել։ 1915 թվականի հունիսին, ի թիվս հազարավոր հայ հայրենակիցների, ձերբակալվել ու բանտարկվել է։ 1915 թվականին սպանվել է Տրապիզոնից դուրս՝ տարագրության ճանապարհին։
Գրականություն խմբագրել
- Հայ բժշկութեան տուժած զոհերը, ցուցակագրուած վավերական փաստերով, Կ. Պոլիս, 1919։
- Կարոյեան Գասպար, Մեծ Եղեռնի նահատակ հայ բժիշկները (անոնց պատգամները), Պոսթոն, 1957։
- Յուշամատեան Մեծ Եղեռնի (1915-1965), պատրաստեց Գերսամ Ահարոնեան, Պէյրութ, 1965։
- Թէոդիկ, Յուշարձան նահատակ մտաւորականութեան, Բ. տպագրութիւն, Երեւան, ապրիլ 24, 1985։
- Յարման Արսեն, Հայերը օսմանյան առողջապահության ծառայության մեջ և պատմություն սուրբ Փրկիչ հայոց հիվանդանոցի (թուր քերեն), Ստամբուլ, 2001։
- Խաչատրյան Լ. և ուրիշ., Ցուցակ Հայոց ցեղասպանության զոհերի (1915-1923 թթ.), գիրք 1, Սե բաստիայի նահանգ, Երևան, 2004։
Աղբյուրներ խմբագրել
- Հարություն Մինասյան, Օսմանյան կայսրությունում և Թուրքիայի Հանրապետությունում բռնաճնշումների և ցեղասպանության ենթարկված հայ բժիշկներ, Երևան, «Լուսաբաց», 2014 — 520 էջ։