Թիկնապահը Պեկինից
«Թիկնապահը Պեկինից» (չինարեն՝ 中南海保鑣, անգլ.՝ The Bodyguard from Beijing), հոնկոնգյան մարտաֆիլմ։ Գլխավոր դերում հանդես է եկել Ջեթ Լին։
 անգլ.՝ The Bodyguard from Beijing | |
|---|---|
 | |
| Երկիր | Հոնկոնգ |
| Ժանր | մարտաֆիլմ[1][2][3] և մարտարվեստի մասին ֆիլմ |
| Թվական | 1994 |
| Լեզու | կանտոն |
| Ռեժիսոր | Քորի Յուեն[3] |
| Պրոդյուսեր | Ջեթ Լի |
| Դերակատարներ | Ջեթ Լի, Քրիսթի Չունգ, Քենթ Չեն, Քոլին Չոու և Ջոուի Լյան |
| Պատմվածքի վայր | Հոնկոնգ |
| Տևողություն | 92 րոպե |
| Շահույթ | 11 193 177 HK$[4] |
Սյուժե խմբագրել
Ալանը Չինաստանի Ժողովրդական Հանրապետությունում տեղակայված միջազգային թիկնապահների միության ամենահեռանկարային անդամներից մեկն է։ Նրան վարձում է հոնկոնգյան գործարար Ջեյմս Սուն՝ իր ընկերուհի Միշելին պաշտպանելու համար։ Վերջինս մաֆիայի կատարած սպանության միակ ողջ վկան էր։ Այնուամենայնիվ, Միշելի և Ալանի հարաբերությունները հարթ չէին ընթանում, քանի որ Միշելն իրեն զգում էր, ասես, տնային կալանքի տակ, իսկ Ալանը դժգոհ էր, որ իրեն չեն ընդունել թիկնապահների թիմ՝ Միշելին պաշտպանելու պարտավորության պատճառով։
Ի վերջո Միշելը փախչում է Ալանից և գնում առևտրի կենտրոն։ Նա չգիտի, որ առևտրի կենտրոնը լի է մաֆիայի վարձկաններով։ Երբ մարդասպանները փորձում են տանել Միշելին, փոխհրաձգություն է սկսվում, սակայն հայտնվում է Ալանը և պաշտպանում նրան՝ մեկը մյուսի հետևից սպանելով մարդասպաններին։ Նրանցից մեկը, որը ներկայացել էր որպես ոստիկան, մարդասպան Վոնի փոքր եղբայրն էր։ Նա երդվում է վրեժ լուծել Ալանից` եղբոր մահվան համար։
Միևնույն ժամանակ Միշելը երախտապարտ է իր թիկնապահին, նրա մեջ զգացմունքներ են առաջանում Ալանի նկատմամբ։ Նրանք մտերմանում են, քանի որ սկսում են ավելի լավ հասկանալ միմյանց։ Չնայած աղջկա բացահայտ զգացմունքներին՝ Ալանը ստիպված է մերժել նրան, քանի որ նրան պաշտպանելու պարտավորություններ ունի։
Վոնը վարձկանների խմբի հետ հարձակվում է պենտհաուսի վրա, սկսվում է փոխհրաձգություն։ Ի վերջո, Ալանը պատժում է հարձակվողների մեծ մասին, սակայն Միշելի կրտսեր եղբայրը՝ Բիլլին, ոտքի վնասվածք է ստանում։ Վիրավորելով Բիլլին՝ Վոնը թաքնվում է։ Ջեյմսը գալիս է տուն։ Այդ ժամանակ Վոնը վերցնում է իր զենքը։ Ուղղելով այն Միշելի վրա՝ հարցնում է տղամարդկանց, թե ով է պատրաստ զբաղեցնել նրա տեղը։ Ջեյմսը փորձում է համոզել մարդասպանին չկրակել՝ առաջարկելով վճարել, բայց Վոնը հրաժարվում է։ Ալանն իր մարմնով փակում է Միշելին և երկու գնդակ ընդունում, սակայն կրծքից հանում է դանակը և սպանում Վոնին։
Ջեյմսը Միշելին տանում է Չինաստան։
Դերերում խմբագրել
- Ջեթ Լի - Ալան Հյոյ Չենյոն
- Քրիստի Չուն - Միշել Յոն Սինյի
- Քենթ Չեն - Չարլի Լյոն Կամպո
- Նգայ Սին - մարդասպան Վոն
- Ջոյ Լյոն - Ա Կյոն
- Նգ Լոուրենս - Ջեյմս Սուն Սայչհեն
- Ուիլյամ Չու - Բիլի
Արտադրություն և թողարկում խմբագրել
Նկարահանումներն անցկացվել են Հոնկոնգում[5]։ Ֆիլմը վարձույթով թողարկվել է 1994 թվականի հուլիսի 28-ին[6]։ Արտադրության ավարտից հետո ֆիլմը արգելվել է Չինաստանի Ժողովրդական Հանրապետությունում։ Այնուամենայնիվ, Ջեթ Լին հանդես է եկել իր ֆիլմերի գրաքննության դեմ[7]։
Ընկալում խմբագրել
«Rotten Tomatoes» կայքում 7 գրախոսականի հիման վրա ֆիլմն ունի միջին վարկանիշ՝ 71%, և 10-ից 5․5 միավոր[8]։ «The Austin Chronicle» ամսագրից Ջո Օ’Բայանը 5 հնարավոր միավորից ֆիլմը գնահատել է 2․5 միավորով և անվանել այն «պայծառ, պարզ և զվարճալի»[9]։ Ահարոն Բայերլին «DVD Talk»-ից ֆիլմը գնահատել է հնարավոր 5-ից 2 աստղով և գրել․ «Լավ ֆիլմ է, երբեմն՝ զվարճալի, բայց հրաշալի չէ»[10]։
Անվանակարգեր խմբագրել
«Hong Kong Film Awards» 14-րդ մրցանակաբաշխության ժամանակ (1995 թվական) ֆիլմն առաջադրվել է լավագույն խորեոգրաֆիա անվանակարգում (Կորի Յուն, Յուն Տակ)[11]։
Ծանոթագրություններ խմբագրել
- ↑ http://www.allocine.fr/film/fichefilm_gen_cfilm=184486.html
- ↑ http://www.nytimes.com/reviews/movies
- ↑ 3,0 3,1 http://www.imdb.com/title/tt0111835/
- ↑ http://www.boxofficecn.com/hkboxoffice1994
- ↑ «The Defender (1994)». Baseline. Արխիվացված է օրիգինալից 2015 թ․ հուլիսի 8-ին. Վերցված է 2019 թ․ հունվարի 21-ին.
- ↑ «Get kick out of remakes». The Age. Melbourne. 6 мая 2004.
- ↑ «Jet Li calls for Chinese censors to relax grip». The Guardian. 2007 թ․ օգոստոսի 20.
- ↑ ZHONG NAN HAI BAO BIAO (THE DEFENDER) (THE BODYGUARD FROM BEIJING) (1994). Rotten Tomatoes
- ↑ «The Bodyguard From Beijing». The Austin Chronicle. 1994 թ․ հոկտեմբերի 21.
- ↑ Beierle, Aaron (2000 թ․ օգոստոսի 24). «The Defender». DVD Talk.
- ↑ Номинанты и лауреаты премии 14-й церемонии награждения(չին.) на официальном сайте Гонконгской кинопремии.
Արտաքին հղումներ խմբագրել
- «Телохранитель из Пекина»(անգլ.) ֆիլմը Internet Movie Database կայքում
- «Телохранитель из Пекина»(անգլ.) ֆիլմը Hong Kong Movie DataBase կայքում