Թեյի սպասքի թանգարան

Թեյի սպասքի թանգարան (անգլ.՝ Museum of Tea Ware, չինարեն՝ 茶具文物館), բացվել է 1984 թվականի հունվարի 27-ին, «Դրոշաձողով տանը» (անգլ.՝ Flagstaff House; չինարեն՝ 旗杆屋), այդ պատճառով հաճախ կոչվում է նաև Թեյի սպասքի թանգարան` Դրոշաձողով տանը։ Հոնկոնգի արվեստի թանգարանի ստորաբաժանումն է, որը գտնվում է Հոնկոնգի ժամանցի և մշակույթի նախարարության վերահսկողության տակ[1][2]։

Թեյի սպասքի թանգարան
Flagstaff House Original Plan 1844.jpg
Տեսակթանգարան
ԵրկիրFlag of the People's Republic of China.svg Չինաստան
ՏեղագրությունՀոնկոնգ
Հիմնադրված է1984
Կայքlcsd.gov.hk/ce/Museum/Arts/english/tea/intro/eintro.html

Թանգարանի մասինԽմբագրել

Թանգարանը գտնվում է Քոթըն Թրի Դրայվում, Կենտրոնական շրջանում, Հոնկոնգի զբոսայգու տարածքում։

Թանգարանի խնդիրն է հավաքել, ուսումնասիրել և ցուցադրել թեյի սպասքը։ Թանգարանի հիմնական հավաքածուն նվեր է Կ. Ս. Լոյի կողմից։ Այն իր մեջ ներառում է իսինյան կավից թեյնիկների նշանակալի հավաքածու[3]։

Թանգարանն ամեն օր բաց է այցելության համար, բացի երեքշաբթի օրերից և Չինաստանի Ամանորի առաջին երկու օրերը։ Աշխատանքային ժամերը 10:00-18:00-ն է, Սուրբ ծննդյան և Չինաստանի Ամանորի նախօրեին թանգարանն աշխատում է 10:00-17:00-ն[4]:

Մուտքն ազատ է։

ՊատմությունԽմբագրել

Շենքը, որտեղ տեղակայված է թանգարանը, կառուցվել է 1846 թվականին, գենելար-մայոր Ջորջ Չարլզ դ'Ագիլարի համար և կոչվել է Շտաբային տուն։ 1932 թվականին շենքը ձեռք է բերել ավելի հայտնի` Դրոշաձողով տուն անունը։ Մինչև 1976 թվականը այստեղ տեղակայված է եղել Հոնկոնգում բրիտանական ուժերի հրամանատարությունը, ինչպես նաև` այստեղ է եղել նրանց բնակության վայրը[4]։

1981 թվականին թանգարանը հանձնվել է Քաղաքային խորհրդին` թանգարան ստեղծելու համար, որտեղ կարող էին ցուցադրվել դոկտոր Կ. Ս. Լոյի նվիրած հավաքածուի առարկաներից։ 1984 թվականի հունվարի 27-ին այստեղ որպես Հոնկոնգի թանգարանի մասնաճյուղ բացվել է Թեյի սպասքի թանգարանը` դառնալով թեյի պարագաների առաջին թեմատիկ թանգարանն Ասիայում[5]։

Դրոշաձողով տունը համարվում է Հոնկոնգի հնագույն շինությունը, որը կառուցվել է նեոհունական ոճով։ Կարծիքները տարբերվում են առ այն, թե ով է եղել շենքի ճարտարապետը։ Ենթադրություն կա, թե դա եղել է կամ Մյորդոկ Բրյուսը, կամ` լեյտենանտ Բերնարդ Քոլինսոնը[6]։

ՊատկերասրահԽմբագրել

ԾանոթագրություններԽմբագրել

  1. «Flagstaff House Museum of Tea Ware» (անգլերեն)։ Hong Kong Tourism Board։ Վերցված է 2014-05-24 
  2. «Hong Kong Museum of Art» (անգլերեն)։ Google Cultural Institute։ Վերցված է 2014-05-25 
  3. «About the Museum» (անգլերեն)։ Hong Kong Museum of Art։ Վերցված է 2014-05-24 
  4. 4,0 4,1 «Flagstaff House, Cotton Tree Drive, Central»։ The Antiquities and Monuments Office։ Արխիվացված է օրիգինալից 2019-10-27-ին։ Վերցված է 2014-05-24 
  5. «Museum of Tea Ware is 30 Years Old!» (անգլերեն)։ Leisure and Cultural Services Department։ Արխիվացված է օրիգինալից 2018-10-10-ին։ Վերցված է 2014-05-25 
  6. Eric Cavaliero (1997-01-16)։ «Proud house on a hill» (անգլերեն)։ The Standard։ Արխիվացված է օրիգինալից 2015-12-08-ին։ Վերցված է 2014-05-24 

Արտաքին հղումներԽմբագրել