Էդդա Աբրահամյան

Վիքիպեդիայում կան հոդվածներ Աբրահամյան ազգանունով այլ մարդկանց մասին։

Էդդա Սարգսի Աբրահամյան (1914, Արդանուջ, Թուրքիա - 1957, Երևան), հայ քանդակագործ։

Էդդա Աբրահամյան
Ծնվել է	1914
Մահացել է	1957
Վախճանի վայրը	Երևան, Հայկական ԽՍՀ, ԽՍՀՄ
Կրթություն	«Գեղարդ» գեղարվեստաարդյունաբերական տեխնիկում (1934) և Թբիլիսիի գեղարվեստի ակադեմիա (1941)
Մասնագիտություն	քանդակագործ

Ծնվել է 1914 թվականի հունվարի 29-ին, Արդանուջում, լուսանկարիչ հոր՝ Սարգիս Աբրահամյանի և դերասանուհի մոր՝ Սաթենիկ Դոմինիկյան-Աբրահամյանի ընտանիքում։

1934 թվականին ավարտել է Երևանի գեղարդտեխնիկումը, իսկ 1941 թվականին՝ Վրաստանի գեղարվեստի ակադեմիան։ Զբաղվել է մանկավարժական աշխատանքով։

Ամուսինը քանդակագործ Կարապետ Մեծատուրյանն է, քրոջ դուստրը՝ ականավոր թավջութակահարուհի Մեդեա Աբրահամյանը։

Գլխավոր գործեր

Գլխավոր գործերից են՝ «Մայրություն», «Սովետական Միության հերոս Օգանովը», «Վերադարձ», «Որդու դիմաքանդակը» (Հայաստանի ազգային պատկերասրահ), «Ֆիզկուլտուրնիկուհին», «Կոլտնտեսուհին»։